कोपरगाव प्रतिनिधी
शिक्षणमहर्षी लहानुभाऊ नागरे स्थापित रेन्बो इंटरनॅशनल स्कूलमध्ये आषाढी एकादशीचा नयनरम्य दृश्य सोहळा पार पडला . टाळ, मृदूंग , वीणा, भजन आणि विठ्ठल नामाच्या गजराने वातावरण दुमदुमले होते .
या सोहळ्यासाठी रेन्बो इंटरनॅशन स्कूलचे कार्यकारी संचालक – आकाश नागरे यांची मुख्य उपस्थिती लाभली . प्रणित आबनावे व आर्णवी लांघी या विद्यार्थ्यांनी विठ्ठल – रखुमाई (रुक्मीणी ) ची भूमिका साकारली तर रिद्धीमा गुळसकर , देव वेद, युग कुदळे, प्रणिल कातकडे, आदीश पुंगळ, अद्वैत कोळपकर, श्रुती दळवी, अवनी हाडोळे, रियांशी वाळूंज, समर सोनवणे , स्वप्नील रोकडे या विद्यार्थ्यांनी वेगवेगळ्या संतांच्या भूमिका साकारून वातावरणाला अध्यात्मिकतेचा साज चढवून रंगत आणली .
‘ गार्गी दळवी ‘ या
विद्यार्थिनीने आषाढी एकादशीची माहिती आपल्या भाषणातून दिली .’ साक्षी जाधव’ या विद्यार्थीनीने मंत्रमुग्ध करणारे भजन सादर केले तसेच इयत्ता सहावी व सातवीच्या विद्यार्थ्यांनीही सामुहिक भजन सादर करून काळजाचा ठोका चुकविला . संगित शिक्षक ‘श्यामसुंदर गव्हाणे’ सरांनी सादर केलेल्या भजनाने विद्यार्थी भक्तीरसात तल्लीन आले . कला शिक्षक ‘दत्ता डोखे ‘ सरांनी किर्तन व थाळीनृत्य सादर करून कार्यक्रमाची शोभा वाढवली .
विद्यार्थ्यांनी वाजत – गाजत विठठ्लाच्या पालखीची मिरवणूक व दिंडी काढली . रिंगण, फुगड्या , नृत्य व दिंडी सोहळ्याने वातावरण भारावून गेले .विश्वभारती रूरल एज्युकेशन सोसायटीचे अध्यक्ष कांतीलालजी आग्रवाल यांच्या
जन्मदिवसाचे औचित्य साधत या प्रसंगी ‘ ‘वृक्षारोपण’ करून त्यांना शुभेच्छा देण्यात आल्या . मुख्य अतिथी म्हणून भाषण करतांना आकाश नागरे यांनी बालपणीच्या आठवणींना उजाळा देऊन कार्यक्रमाचे कौतूक केले . प्राचार्य -सुरेश शिंदे यांनी आषाढी एकादशीचे महत्व सांगुन शुभेच्छा दिल्या . नंदिनी वक्ते यांनी सदर कार्यक्रमाचे प्रास्ताविक मांडून सुत्र – संचालन केले .सदर कार्यक्रम यशस्वी करण्यासाठी अमृता मानुरकर , मोनाली सुराळे , गौरी वाढवा , दिपक वक्ते, राहूल कोळगे, शिवदास गोसावी ,प्रविण कदम या शिक्षकवृंदानी विशेष कष्ट घेतले .
महाराष्ट्राच्या या सांस्कृतिक सोहळा साजरीकरणाचे विशेष कौतुक करून विश्वभारती रूरल एज्युकेशन सोसायटीचे अध्यक्ष मा .कांतीलालजी आग्रवाल, सचिव – संजयजी नागरे, विश्वस्त – मनोजशेठ आग्रवाल, आनंदजी दगडे , वानिताताई नागरे, उप – प्राचार्य – सोमनाथ सोनवणे, प्रशांत भास्कर, प्रविण कदम यांनी सर्वांना आषाढी एकादशीच्या शुभेच्छा दिल्या .
