कोपरगाव प्रतिनिधी
पतीच्या निधनानंतर त्यांच्या मिळकतीवर पहिला हक्क पत्नीचा असेल असे जाहीर करुन हा निर्णय प्रांतात अंमलात आणणाऱ्या तसेच विधवेला मुल दत्तक घेण्याचा अधिकार मिळवून देणाऱ्या, मुलीचा आंतरजातीय विवाह करून स्वत:च्या घरापासून सुधारणेला सुरूवात करणाऱ्या, हुंडा बंदी, विनाकारण वृक्षतोड करण्याला तसेच जंगलतोडीला बंदी घालण्यासारखे मोठ मोठे निर्णय घेणाऱ्या आणि अंमलात आणणाऱ्या पुण्यश्लोक अहिल्यादेवी होळकर यांच्या जयंतीनिमित्त गोदाकाठ श्री योगी वीरबा सेवा ट्रस्टच्या वतीने प्रथम लोकनियुक्त सरपंच संजय गुरसळ यांच्या हस्ते अहिल्यादेवी होळकर यांच्या प्रतिमेस पुष्पहार अर्पण करून अभिवादन करण्यात आले.
जनतेचं कल्याण करत अनेक हिंदू मंदिरे व नदीघाट त्यांनी बांधले, अनेक मंदिरांचा जीर्णोद्धार केला. अनेक देवळांच्या आश्रयदात्या बनल्या. अनेक तीर्थक्षेत्री धर्मशाळा बांधून त्यांनी भाविकांची गैरसोय टाळली. मंदिरांसाठी काम करूनही त्यांनी धर्माच्या नावाखाली असलेल्या अनेक रूढी, अनिष्ट प्रथांना छेद दिल्याचे सरपंच संजय गुरसळ यांनी यावेळी सांगितले.
या प्रसंगी ग्रामपंचायत सदस्य शंकर गुरसळ, ट्रस्टचे अध्यक्ष .गणेश बढे, ट्रस्टचे विश्वस्त किशोर बढे, सोमनाथ वैद्य, धोंडीराम बढे, चंद्रकांत पारखे, जनार्दन आंबीलवादे, नानाभाऊ कोळगे, अशोक गायकवाड भुलेगावकर, सानिध्य बढे, शंकर सप्ते, रुद्रा बढे आदि मान्यवर व कार्यकर्ते उपस्थित होते. ट्रस्टच्या विश्वस्त सौ. गायत्री बढे यांनी आभार मानले.
