कोपरगाव प्रतिनिधी
दि ६ मे २०२२- कोपरगाव तालुक्यातील कोपरगाव ते झगडे फाटा या रस्त्यावर पुंगळ वस्ती नजीक कोपरगाव कडून येणाऱ्या एका भरधाव कंटेनरने एक प्रवासी वाहतूक करणाऱ्या अपे रिक्षाला जोराची धकड दिल्याने यातील सहा प्रवाशांचा जागीच मृत्यू झाला आहे तर तीन ते चार प्रवासी गंभीर जखमी असल्याचे समजते.
सविस्तर वृत्त असे की, कोपरगाव कडून भरधाव वेगाने एक मालवाहूतुक कंटेनर ने झगडे फाटा चौफुलीकडून येणाऱ्या एका प्रवासी वाहतूक करणाऱ्या अपे रिक्षाला समोरासमोर धडक दिल्याची घटना शुक्रवार दि 6 मे रोजी सकाळी ८.३० च्या सुमारास घडली असून ही धडक इतकी जोराची होती की या धडकेमध्ये चार महिला व दोन पुरुषाचा समावेश असून यात ३ ते ४ प्रवाशी जखमी असल्याचे गंभीर अवस्थेत असल्याचे समजते. जागीच ठार झालेल्या प्रवाशा मध्ये एक कॉलेजची विद्यार्थीनी व एक पती पत्नी आहे.
यात मृत्यू झालेल्या महिलामध्ये रंजनाबाई साहेबराव खरात वय वर्ष ६० रा चांदेकसारे, शैला शिवाजी खरात वय वर्ष ४२ श्रीरामपूर, पूजा नानासाहेब गायकवाड वय २० रा हिगणवेडे, प्रगती मधुकर होन वय २० रा चांदेकसारे तर पुरुष प्रवाश्यां मध्ये शिवाजी मारुती खरात वय ५२ रा श्रीरामपूर तर आत्माराम जमानासा नाकोडे वय ६५ रा वावी या प्रवाश्याचा जागीच मृत्यू झाला आहे. या घटनेने परिसरात दुःखाचे वातावरण पसरले असून सर्वत्र हळहळ व्यक्त होत आहे. तर घटनास्थळी कोपरगाव शहर पोलिस निरीक्षक वासुदेव देसले यांनी आपल्या फौजफाट्या सह तत्काळ घटनास्थळी भेट देत पुढील तपास पोलीस निरीक्षक देसले करत आहे.
