कोपरगाव प्रतिनिधी
जि.प.प्राथ.शाळा हॅरिसन ब्रँच येथे महाराष्ट्र दिन मोठ्या उत्साहात साजरा करण्यात आला.ध्वजारोहण शाळेचे मुख्याध्यापक नवनाथ सूर्यवंशी यांच्या हस्ते झाले. सदर प्रसंगी शाळेविषयी आपुलकी व प्रेम दाखवत इ.४ थी व ५ वीच्या विद्यार्थ्यांनी शाळेला पाच लिटर कुकर शालेय पोषण आहार शिजविण्यासाठी भेट म्हणून दिला. दोन वर्षांपूर्वी सुट्टीत शाळेची गुणी विदयार्थीनी धनश्री पालवे हिचा अकस्मात मृत्यू झाल्याने सदर विद्यार्थिनीच्या आई वडिलांना राजीव गांधी अपघात विमा योजनेंतर्गत अनुदान ७५००० रु धनादेशाद्वारे गटशिक्षणाधिकारी शबाना शेख यांच्या हस्ते शाळा पूर्वतयारी मेळाव्याच्या दिवशी देण्यात आले होते.सदर पालकांनी आपल्या मुलीची आठवण म्हणून शाळेला तीन कीबोर्ड व तीन माउस कॉम्प्युटर लॅब साठी भेट दिले. तसेच शाळेच्या माजी विद्यार्थ्यांनी शाळेचे छोटे तीन कपाटे दुरुस्त करून नवीन बनवून दिले. शाळेच्या वतीने सर्वांचे आभार शाळेचे मुख्याध्यापक नवनाथ सूर्यवंशी यांनी मानले.
सदर प्रसंगी माजी उपसरपंच व विद्यमान ग्रामपंचायत सदस्य यशवंत आव्हाड, शाळा व्यवस्थापन अध्यक्ष संदिप पवार, शाम पवार, रोहीत दळवी, दिनकर बर्डे, भरत वाळुंज, सचिन कातकडे, संतोष पावसे,गणेश पालवे, शकूर शेख, संदिप माळी व शाळेच्या स्वयंपाकी रंजना दळवी, विद्यार्थी व पालकवर्ग बहुसंख्येने उपस्थित होते.
