कोपरगाव प्रतिनिधी
कोपरगाव तालुक्यातील चांदेकसारे( पानमळा) वस्ती येथील नवीन हनुमान मंदिराच्या बांधकामाला शिर्डी संस्थान चे अध्यक्ष नामदार आशुतोष काळे यांनी सदिच्छा भेट दिली. NH १६० शिर्डी सिन्नर रस्त्या मध्ये सदर चे मंदिर बाधित झाले होते, नवीन मंदिराच्या निधीसाठी पंचायत समितीच्या माजी सभापती सौ अनुसयाताई रोहिदास होन व परिसरातील सर्व नागरिकांनी नामदार आशुतोष दादा काळे साहेब यांचे कडे नवीन मंदिर बांधकामासाठी विनंती व पाठपुरावा केली होता, नामदार काळे साहेब यांनी ही NHAI,नाशिक विभागाकडे सातत्याने पाठपुरावा केला,याच अनुषंगाने NHAI विभागाने मंदिरासाठी रु १५ लाख मंजूर केला. सदर मंदिरासाठी जागेची मोठी समस्या होती, हीच अडचण दूर करत जेष्ठ नागरिक भिमाजी बाजीराव होन यांनी स्वतःची २ गुंठे जागा मंदिर बांधकामासाठी विनामोबदला दिली आहे,नामदार साहेबांनीही भिमाजी होन यांच्या दानशूर वृत्तीचे कौतुक केले. NH १६० चे कॉन्ट्रॅक्टर मे मोंटोकार्लो कंपनी व कॉन्ट्रॅक्टर काटे यांचेही सहकार्य लाभले आहे. जुन्या तसेच नवीन मंदिरासाठी प्राध्यापक विठ्ठल होन भगीरथ होन,जयवंत होन,रघुनाथ जमधडे, केशव होन, बाबासाहेब बोरावके,बाळासाहेब बोरावके,धर्मा गुरसळ व परिसरातील असंख्य भक्ती मंडळींचेही खूप मोलाचे योगदान लाभले आहे. येत्या २४ व २५एप्रिल रोजी मूर्ती प्राणप्रतिष्ठा ह भ प उद्धव महाराज मंडलिक व पुरोहित उमेश गुरू जोशी यांच्या उपस्थितीत संपन्न होणार आहे.भाविकांनी या दिवशी दर्शनाचा व महाप्रसादाचा लाभ घ्यावा असे भिमाजी होन व प्राध्यापक
विठ्ठल होन यांनी आव्हान केले .
