कोपरगाव प्रतिनिधी
कोपरगांव तालुक्यातील जेऊर कुंभारी येथे डॉ. बाबासाहेब आंबेडकर स्मारक मैदान येथेआर पी आय चे वतीने दरवर्षी भीमजयंती उत्सव मोठ्या उत्साहात साजरा केला जातो.या वर्षीही मोठया उत्साहात जयंती साजरी करण्यासाठी आर पी आय प्रणित भिमसाम्राज्य सेनेच्या युवा कार्यकर्त्यांची बैठक पार पडली. या बैठकीत प्रविण गायकवाड यांची भीमजयंती नियोजन समिती चे अध्यक्ष पदी निवड करण्यात आली. आर पी आय चे प्रदेश सचिव तथा डॉ बाबासाहेब आंबेडकर स्मारक समितीचे अध्यक्ष दिपकराव गायकवाड, स्मारक समितीचे उपाध्यक्ष बाबुराव काकडे यांनी या निवडीबद्दल अभिनंदन केले.
यावेळी बोलतांना प्रविण गायकवाड यांनी सांगितले की गेली दोन वर्षे कोरोना महामारीमुळे जयंती साजरी करता आली नाही. परंतु या वर्षी प्रशासकीय मान्यता मिळाल्याने सर्व भिमसैनिक खुश असुन संपूर्ण देशात जयंती मोठया उत्साहात साजरी होणार असून जेऊर कुंभारी संजय नगर येथे देखील जयंती उत्सव मोठ्या जल्लोषात स्मारक समितीचे अध्यक्ष दिपकरावजी गायकवाड व उपाध्यक्ष बाबुराव काकडे व सर्व ज्येष्ठ मार्गदर्शक यांच्या मार्गदर्शनाखाली तसेच युवानेते मा. विवेकभैय्या कोल्हे साहेब, आर पी आय उत्तर महाराष्ट्र अध्यक्ष राजाभाऊ कापसे, कोपरगांव पोलीस स्टेशन चे पी आय श्री. देसले साहेब , तालुका अध्यक्ष जितेंद्र रणशुर, जील्हा नेते विजयराव शिंगाडे यांचे प्रमुख उपस्थित भिम साम्राज्य सेनेच्या वतीने साजरा करण्यात येणार आहे.१४ एप्रिल रोजी सकाळी ९:३० वाजता सामूहिक त्रिसरण, पंचशील घेऊन महामानव डॉ. बाबासाहेब आंबेडकर यांच्या स्मारकास मान्यवरांचे हस्ते पुष्पहार अर्पण करून १०:०० वाजता अभिवादन सभा पार पडेल. त्यानंतर ११:३० वाजता महाप्रसाद कार्यक्रम होइल. व संध्याकाळी ६:३० वाजता डॉ.बाबासाहेबांच्या प्रतिमेची भव्य मिरवणूक होइल. सदर कार्यक्रमास शेकडो भीमसैनिक,गावातील ज्येष्ठ नेते, समस्त ग्रामस्थ, महीला उपस्थीत राहणार असल्याची माहिती गायकवाड यांनी दिली. सदर बैठकीस भीमसाम्राज्य सेना संस्थापक, ग्रामपंचायत सदस्य प्रदिप गायकवाड, शाखा अध्यक्ष सागर गायकवाड, कार्याध्यक्ष सुमित पगारे, उपाध्यक्ष दावीद धीवर, भारत गायकवाड, अवी पगारे, सप्नील भालेराव, सचिन गायकवाड, सनी दिवे, अमोल काकडे, संतोष चव्हाण, सोमेश्वर गायकवाड, आकाश साळवे,गौरव गायकवाड, सोमनाथ गोरे, नानाभाऊ गवई,गोपी गायकवाड, बाबसाहेब गायकवाड, राहूल गायकवाड, सुरेश चव्हाण, अजित बनसोडे, राजु भालेराव, नितीन वाकोडे, अजित बनसोडे, महेश गायकवाड, आकाश पगारे,रावसाहेब भालेराव,सौरव गायकवाड आदींसह युवा कार्यकर्ते मोठ्या संख्येने उपस्थित होते.
