कोपरगाव प्रतिनिधी
जिजाई बहुउद्देशीय शैक्षणिक संस्था चांदेकसारे संचलीत जोगेश्वरी इंटरनॅशनल स्कूल डाऊच खुर्द येथे स्कूल च्या ४थ्या वार्षिक स्नेह संमेलन चे आयोजन शनिवार दिनांक ९ एप्रिल २०२२ रोजी करण्यात येत आहे. अशी माहिती संस्थेचे सचिव श्री सुनिल भास्करराव होन यांनी दिली. यावेळी त्यांनी सांगितले की करोना च्या प्रादुर्भावामुळे सर्व च स्कूल बंद होत्या परंतु नोव्हेंबर २०२१ पासुन राज्य शासनाने स्कूल सुरू केल्या होत्या तेव्हा पासून शिक्षणाचा दर्जा टिकविणे व विद्यार्थ्यांना मुख्य प्रवाहात आणण्यासाठी विशेष प्रयत्न घेणे गरजेचे होते त्या मध्ये जोगेश्वरी इंटरनॅशनल स्कूल चा पुर्ण स्टाफ यशस्वी झाला आहे. शिक्षणाबरोबरच विद्यार्थ्यांच्या कलागुणांना वाव मिळाला या साठी स्कूल च्या मॅनेजमेंट कमिटी ने वार्षिक स्नेह संमेलन आयोजित करण्याचा निर्णय घेतला आहे. संस्थेचे अध्यक्ष श्री भास्करराव होन यांनी अधिक माहिती दिली की जोगेश्वरी इंटरनॅशनल स्कूल च्या स्नेह संमेलन च्या माध्यमातून स्पर्धा परीक्षेत यशस्वी अधिकारी यांच्या कडून ग्रामीण भागातील पालक व विद्यार्थ्यांना मार्गदर्शन लाभले या हेतूने दरवर्षी वेगवेगळ्या पदावर कार्यरत असणाऱ्या अधिकार्यांना आमंत्रित केले जाते. या अनुषंगाने प्रमुख पाहुणे म्हणून मा नामदार श्री आशुतोष दादा काळे साहेब हे असणार आहे. तर संगमनेर चे नायब तहसीलदार श्री गणेश तळेकर साहेब, मुंबई चे विक्रीकर निरिक्षक श्री विलास पवार साहेब, मुंबई येथे पोलीस उपनिरीक्षक म्हणून कार्यरत असणारे श्री आण्णा गुंजाळ साहेब, जवाहरनगर आैरगांबाद येथे पोलीस उपनिरीक्षक पदावर कार्यरत असणारे श्री शिवाजी घोरपडे साहेब, व श्री धनंजय पर्हाड साहेब (तलाठी कोपरगांव), श्री उमेश देवघडे साहेब (तलाठी संगमनेर) आदी मान्यवरांच्या उपस्थिती असणार आहे त्याच बरोबर बीड जिल्ह्यातील छोट्या ग्रामीण भागातील ऊसतोड कामगाराचा मुलगा नुकताच विक्रीकर निरिक्षक पदावर नियुक्त झाले, असे श्री भुजंगराव मिसाळ साहेब यांचा या प्रसंगी सत्कार मान्यवरांच्या उपस्थितीत पार पडणार आहे, या सर्व मान्यवरांच्या अनुभवाचा व मार्गदर्शनाचा जोगेश्वरी इंटरनॅशनल स्कूल च्या पालकांना व विद्यार्थ्यांना नक्की भविष्यात फायदा होईल असे जोगेश्वरी इंटरनॅशनल स्कूल चे व्यवस्थापकीय संचालक श्री सागर भास्करराव होन यांनी सांगितले. त्याच बरोबर स्कूल च्या प्राचार्या सौ ज्याेती खरात मॅडम यांनी सांगितले की शैक्षणिक वर्ष २०२१-२२ मध्ये झालेल्या विविध स्पर्धा मध्ये विद्यार्थ्यांनी जे नेत्रदीपक यश संपादित केले त्या करीता मान्यवरांच्या हस्ते पारितोषिक वितरण करण्यात येणार आहे, व विद्यार्थी वेगवेगळ्या गाण्यावर आपले कलागुणांचे सादरीकरण करणार आहेत. वार्षिक स्नेह संमेलन कार्यक्रमाचे ठिकाण जोगेश्वरी इंटरनॅशनल स्कूल च्या मैदानावर होणार आहे तर वेळ सायंकाळी ६.३० वा कार्यक्रमाची सुरुवात होईल.
