कोपरगाव प्रतिनिधी
कोपरगाव तालुक्यातील संवत्सर येथील १९३६ साली स्थापन झालेल्या संवत्सर विभाग बिग-बागाईतदार सेवा सहकारी सोसायटीच्या अध्यक्षपदी प्रभाकर ससाणे तर उपाध्यक्षपदी सुजय जगताप यांची एकमताने निवड करण्यात आली आहे.
संवत्सर विभाग बिग- बागाईतदार सेवा सहकारी सोसायटीची निवडणूक नुकतीच बिनविरोध पार पडली असून यामध्ये प्रभाकर त्र्यंबक ससाणे, चंद्रकात परशराम कोद्रे, किशोर दशरथ काळे, सुभाष दिवाकर कोद्रे, विनोद सोपानराव ससाणे, चंद्रकात परशराम ससाणे, बाळासाहेब सुकदेव जगताप, सुजय बाळासाहेब जगताप, वसंतराव राजाराम ससाणे, सौ. रत्नमाला अरविंद ससाणे, सौ. साधना राजेंद्र जगताप हे सदस्य बिनविरोध निवडून आले आहेत.
सोसायटीच्या अध्यक्ष व उपाध्यक्ष पदाची निवडणूक नुकतीच पार पडली असून अध्यक्षपदासाठी प्रभाकर त्र्यंबक ससाणे व उपाध्यक्षपदासाठी सुजय बाळासाहेब जगताप यांचा एकमेव अर्ज आल्यामुळे निवडणूक अधिकारी डी. ए. सावंत यांनी अध्यक्षपदी प्रभाकर ससाणे व उपाध्यक्षपदी सुजय जगताप यांची बिनविरोध निवड झाल्याचे जाहीर केले. निवडणूक कामी सचिव साहेबराव निकाळे यांनी सहकार्य केले.
नूतन अध्यक्ष, उपाध्यक्ष यांचे राजेंद्र जगताप, सर्व सदस्यांनी व सभासदांनी अभिनंदन केले आहे. आमच्यावर सर्व सदस्यांनी व सभासदांनी दाखविलेल्या विश्वासातून संस्थेला प्रगतीपथावर घेवून जाण्यासाठी सर्व सदस्यांना सोबत घेवून एकमताने निर्णय घेवून संस्थेचे व सभासदांचे हित साधणार असल्याचे नवनिर्वाचित अध्यक्ष प्रभाकर ससाणे व उपाध्यक्ष सुजय जगताप यांनी यावेळी सांगितले.
