कोपरगाव प्रतिनिधी
आपण समाजाचे देणं लागतो. समाजात घडणाऱ्या चांगल्या गोष्टीचे समर्थन करून त्यांना प्रोत्साहन देण्यासाठी प्रेरणा फाउंडेशन ने घेतलेला पुढाकार व करीत असलेले सामाजिक कार्य कौतुकास्पद असल्याचे प्रतिपादन श्री साईबाबा संस्थानच्या विश्वस्त मंडळाचे अध्यक्ष ना.आशुतोष काळे यांनी केले.
कोपरगाव येथे प्रेरणा फाउंडेशन च्या वतीने कोपरगाव शहरातील सामाजिक, सांस्कृतिक , व्यवसायिक, धार्मिक आदी क्षेत्रात योगदान देत असलेल्या समाजसेविका महिलांचा महिला दिनाचे औचित्य साधत सत्कार सन्मान सोहळा ना.आशुतोष काळे व शहर पोलीस निरीक्षक वासुदेव देसले यांचे प्रमुख उपस्थितीत पर पडला याप्रसंगी ते बोलत होते.
यावेळी पुढे बोलतांना ना.आशुतोष काळे म्हणाले की, प्रेरणा फाउंडेशनने सामाजिक क्षेत्रात योगदान देणाऱ्या महीलांच्या कार्याचा सन्मान केला त्यामुळे निश्चितच महिलांना त्यांच्या क्षेत्रात अधिकाधिक काम करण्याची ऊर्जा मिळणार असून त्यातून समाजाचे हित साधले जावून समाजाची अधिक प्रगती होण्यास हातभार लागणार असल्याचे ना. आशुतोष काळे यांनी यावेळी सांगितले.
यावेळी सत्कारार्थी महिलांचा गौरव करतांना त्यांना ना.आशुतोष काळे यांच्या हस्ते ट्रॉफी सन्मानचिन्ह देवून त्यांचा यथोचित सन्मान करण्यात आला. याप्रसंगी ॲड. श्रद्धा जवाद ,स्वाती मुळे ,सौ. वर्षा झवर, डॉ.सौ उमा भोईर ,सौ. निता शिंदे ,पोलीस निरीक्षक वासुदेव देसले यांनी आपले मनोगत व्यक्त केले.
या प्रसंगी प्रेरणा फाऊंडेशन चे अध्यक्ष ॲड. मनोज कडू, निलेश जोबनपुत्रा, शसंदीप कानकुब्जी, ॲड.बाळासाहेब कडू, दौलत शिरसाठ, दिलीप भालेराव, मुस्तफा शेख आदी मान्यवर उपस्थित होते.
कार्यक्रमाचे प्रास्ताविक ॲड. सौ. पुष्पलता कडू यांनी केले. सूत्रसंचालन ॲड. रश्मी कडू यांनी केले तर आभार सौ. वैशाली उल्हारे यांनी मानले. प्रेरणा फाउंडेशनच्या वतीने महिलांचा गौरव करतांना ना.आशुतोष काळे.
