कोपरगाव प्रतिनिधी
संजीवनी युवा प्रतिष्ठान चे अध्यक्ष विवेक कोल्हे यांना त्यांचा सामाजिक कार्याबद्दल नुकताच छत्रपती संभाजी महाराज सेवा समितीचा वतीने शंभु गर्जना पुरस्काराने सन्मानित करण्यात आले.
विवेक कोल्हे यांनी कोरोना महामारी च्या काळात केलेले कार्य नागरिकांसाठी अविस्मरणीय आहे
आत्तापर्यत त्यांनी संजीवनी युवा प्रतिष्ठानच्या माध्यमातून रक्तदान शिबिर,वृक्षारोपण,पूरग्रस्तांना मदत सर्वधर्मीय विवाह सोहळा असे अनेक समाजिक उपक्रम हाती घेतले आहे त्यांनी केलेल्या कार्याची दखल घेऊन छत्रपती संभाजी महाराज बलिदान स्फूर्ती दिनी संभाजी महाराज सेवा समितीच्या वतीने धर्मवीर गड श्रीगोंदा येथे छत्रपती शिवाजी महाराजांच्या सोबत काम करणाऱ्या निष्ठावंत वीरयोध्ये यांचे वंशज यांनी विवेक कोल्हे यांना जे शंभू गर्जना पुरस्कार देऊन त्यांचा गौरव केला आहे. त्याबद्दल आम्हा युवकांना त्यांचा अभिमान आहे असे प्रतिपादन जेऊर कुंभारी येथील भाजपा युवा मोर्चाचे उपाध्यक्ष सुधाकर वक्ते यांनी केले.
ते पुढे म्हणाले की आजच्या तरुण पिढीसाठी युवानेते विवेक कोल्हे यांचे कार्य दिशादर्शक असुन त्यांनी तरुणांना संघटित करून नेहमी समाज हिताचेच काम केले आहे. मागील वर्षी कोरोनाच्या काळात रुग्ण संख्या झपाट्याने वाढ झाली होती तेव्हा माजी मंत्री शंकरराव कोल्हे, माजी आमदार स्नेहलता कोल्हे ,संजीवनी उद्योग समूहाचे अध्यक्ष बिपिन दादा कोल्हे, यांच्या मार्गदर्शनाखाली विवेक कोल्हे यांनी आत्मा मालिक कोविड सेंटर ची निर्मिती करण्यात आली या माध्यमातून रुग्णांना मोफत औषधोपचार भोजन तसेच रुग्णांसाठी ऑक्सीजन सिलेंडर ची उपलब्धता करून दिली अशा परिस्थितीत विवेक कोल्हे यांनी केलेले कार्य तरुणांसाठी प्रेरणादायी असुन तरुणांनी विवेक कोल्हे यांचा आदेश घ्यावा असे सुधाकर वक्ते यांनी म्हटले आहे.
