ग्रामस्थांकडून पिंजरा लावण्याची मागणी!!
कोपरगाव प्रतिनिधी
कोपरगाव तालुक्यातील जेऊर कुंभारी परीसरात प्रत्यक्ष बिबट्याचे दर्शन झाल्याने ग्रामस्थांमध्ये भीतीचे वातावरण निर्माण झाले.
जेऊर कुंभारी गावातील संजवनी सहकार महर्षी शंकरराव कोल्हे कारखान्यातील कामगार संतोष सकाहरी चव्हाण हे पहाटे ३ वाजता कामावर जात असतांना त्यांना
पोलीस पाटील बाळासाहेब गायकवाड यांच्या वस्तीजवळ बिबट्याचे प्रत्यक्ष दर्शन दिले.त्यांनी लगेच सावधगिरी बाळगून आरडाओरडा करून ग्रामस्थांना सावध केले.आरडाओरडा झाल्यांने बिबट्याने तिथून पळ काढला.जेऊर कुंभारी गावात बिबट्याचा वावर आहे ही घटना पोलीस पाटील बाळासाहेब गायकवाड यांनी भ्रमणध्वनी वरून वनविभाग अधीकारी सोनवणे मॅडम यांना दिली.
बिबट्याच्या दर्शन होऊन १५ तास उलटले तरी ही वन विभागाच्या एका अधिकाऱ्याने किंवा कर्मचाराने भेट दिली नाही काही दिवसांपूर्वी आबनावे वस्ती येथे बिबट्याचा वावर असून या ठिकाणी पिंजरा लावण्याची मागणी केली होती या संदर्भात
अनेक वेळा जेऊर कुंभारी ग्रामपंचायतीने पिजरा लावा अशी मागणी केली आहे परंतू वनविभागाने अद्याप काहीही हालचाल केली नाही. वनविभागाला नागरिकांच्या जिवाची काही किमंत नाही का? असा प्रश्न ग्रामस्थांकडुन विचारला जातआहे.
तरी वनविभागाने तातडीने पिंजरा लाववा अशी मागणी ग्रामस्थांनी केली आहे
