कोपरगाव प्रतिनिधी
८मार्च हा जागतिक महिला दिन म्हणून जगभर साजरा केला जातो.त्यानिमित्त आज जिल्हा परिषद प्राथमिक शाळा वेस येथे महिला दिन साजरा करण्यात आला.कार्यक्रमासाठी सरपंच अशोकराव म्हाळसकर,अध्यक्ष शकील सय्यद उपस्थित होते.कार्यक्रमाच्या अध्यक्षस्थानी गावातील ज्येष्ठ कर्तुत्ववान माता सौ सुमनबाई दत्तात्रय खंडीझोड ह्या होत्या. उपस्थित महिलांनी राजमाता जिजाबाई,सावित्रीबाई फुले, अहिल्याबाई होळकर,झाशीची राणी लक्ष्मीबाई, माता रमाबाई आंबेडकर यांच्या प्रतिमेचे पूजन केले.शाळेतील विद्यार्थिनींनी उपस्थित मान्यवरांचे स्वागत स्वागतगीताद्वारे केले.कार्यक्रमाचे प्रास्ताविक मुख्याध्यापक श्री अशोक शिरसाठ यांनी केले. सूत्रसंचालन श्रीमती नलिनी साळवे यांनी केले. सर्व उपस्थित महिलांचे शाळेकडून पुष्पगुच्छ व पेन देऊन स्वागत करण्यात आले.
सुमनबाई खंडीझोड यांनी शाळेतील सर्व शिक्षकांचा सत्कार केला.कार्यक्रमासाठी शाळेतील विद्यार्थिनी आकांक्षा दिवे व सायली खंडिझोड यांनी झाशीची राणी लक्ष्मीबाई,कल्याणी आरणे ही सावित्रीबाई फुले, वैशाली म्हाळसकर ही राजमाता जिजाऊ, अविज्ञा खंडीझोड हिने माता रमाई आंबेडकर, तमन्ना शेख हिने रजिया सुलताना,ईश्वरी गायकवाड हिने अहिल्याबाई होळकर यांच्या वेशभूषा करून सादरीकरण केले.तसेच शाळेतील सादिया सय्यद हिने अडाणी गंगु ही एकपात्री नाटिका सादर करून सर्वांचे मनोरंजन केले. उपस्थित महिलांपैकी आशा सेविका मीना माळी, आशा गायकवाड व सुनिता गायकवाड यांनी उपस्थित महिलांना आरोग्य बाबत मार्गदर्शन केले.सना सय्यद यांनी सुंदर गीत गायन केले. शालेय व्यवस्थापन समिती सदस्य आमरीन सय्यद यांनी आपली शाळा ही कुठेही कमी नाही.प्रत्येक उपक्रमात विद्यार्थी,पालक,शिक्षक सहभागी होऊन उपक्रम घेतात.सर्व विद्यार्थ्यांनी मन लावून अभ्यास करा व आपल्या आई वडिलांचे स्वप्न पूर्ण करा असे पालक प्रतिनिधी कुंदना खंडीझोड यांनी मनोगत व्यक्त केले. माता पालक संघाच्या सदस्य अलका रायभाने यांनी महिलांनी बचत कशी करावी याबाबत मार्गदर्शन केले. श्री नारायण खंडीझोड यांनी सर्व मुलांचे कौतुक करून शाळेत नेहमी कार्यक्रम व उपक्रम आयोजित करावेत असे सुचवले. या कार्यक्रमास अध्यक्ष भाषणात सुमनबाई खंडीझोड यांनी महिलांच्या सक्षमीकरणाबाबत मार्गदर्शन केले. या कार्यक्रमास संघमित्रा खंडीझोड, निर्मला शेळके,रईसा सय्यद,जिजाबाई पाचोरे, यास्मिन सय्यद,पुनम खंडीझोड,अंजना खंडीझोड, लक्ष्मीबाई आरणे, पूजा गायकवाड,चारुशीला गायकवाड, सोनाली खंडिझोड, सुरेखा तुपसुंदर, बेबी खंडिझोड यांच्यासह महिला उपस्थित होत्या. श्रीमती वैशाली मोरे यांनी कार्यक्रमास उपस्थित असलेल्या सर्वांचे आभार मानले.
