कोपरगाव प्रतिनिधी
राहुरी तालुक्यातील टाकळीमिया गावामध्ये ग्रामसभेत छत्रपती शिवाजी महाराज यांचे स्मारकासह डॉ. बाबासाहेब आंबेडकर यांचेही स्मारक उभारण्यात यावे या ठरवावरून वाद होऊन काही समाज कंटकांनी आरपीआय महिला पदाधिकारी स्नेहल ताई सांगळे यांना मारहाण करण्याची निंदनीय घटना घडली असून महिला पदाधिकाऱ्यांस मारहाण करणाऱ्या त्या समाजकंटकांवर कठोर कारवाई करावी अशी मागणी आर पी आय चे उत्तर महाराष्ट्र अध्यक्ष राजाभाऊ कापसे यांनी शिर्डी उपविभागीय पोलीस अधिकारी यांना निवेदनाद्वारे केली आहे. यावेळी प्रदेश सचिव दिपकराव गायकवाड म्हणाले की, छत्रपती शिवाजी महाराज यांच्या स्मारकाला विरोध न करता स्नेहलताई सांगळे यानी डॉ. बाबासाहेब आंबेडकर स्मारक उभारावे असा ठराव मांडला असून काही समाजकंटकांनी याचा राग धरून त्यांना शिवीगाळ करत मारहाण केली. तसेच त्यांच्या पतीवर खोटा गुन्हा दाखल केला. सोशल मीडियाचा माध्यमातून महाराजांच्या स्मारकास विरोध केला असल्याचे भासवत दोन समाजामध्ये तेढ निर्माण करण्याचा प्रयत्न केला. त्यामुळे या समाजकंटकांवर कठोर कारवाई करावी अशी मागणी त्यांनी केलीतर राहता तालुका अध्यक्ष रमेश गायकवाड यांनी या घटनेचा तीव्र निषेध व्यक्त केला.. सदर निवेदनावर उत्तर महाराष्ट्र अध्यक्ष राजाभाऊ कापसे, प्रदेश सचिव दिपकराव गायकवाड, राहता तालुका अध्यक्ष रमेश गायकवाड, शिर्डी शहर अध्यक्ष कैलास शेजवळ,अशोकदादा बनसोडे, जिल्हा नेते विजयराव शिंगाडे, शंकर त्रिभुवन, शामराव कुलकर्णी, रवींद्र दारोळे, मुन्नाभाई शेख, नानाभाऊ शेजवळ, कासमभाई इनामदार, सुभाषराव शेजवळ आदींच्या स्वाक्षऱ्या आहेत. शिर्डी उपविभागीय पोलिस अधिकारी श्री. सातव साहेब यांनी सदर निवेदन स्वीकारले.
