कोपरगाव प्रतिनिधी
दिनांक ८ फेब्रुवारी२०२२ रोजी स्वातंत्र्याचा अमृत महोत्सव अंतर्गत बाल संस्कार समूह महाराष्ट्र राज्य आणि मी बाल लेखक होणार…या उपक्रमांतर्गत जिल्हा परिषद प्राथमिक शाळा रुई दक्षिण तालुका अहमदपूर जिल्हा लातूर यांच्या संयुक्त विद्यमाने आज १३ वे पुष्प लेखक आपल्या भेटीला या उपक्रमात दुपारी ११ ते १ या वेळेत गुंफले गेले. तसेच बालसंस्कार मासिकाच्या सातव्या अंकाचे प्रकाशन माननीय बबनराव ढोकाडे गटशिक्षणाधिकारी अहमदपूर जिल्हा लातूर यांच्या शुभहस्ते करण्यात आले.
कार्यक्रमाचे सूत्रसंचालन सूर्यकांत बोईनवाड,शबाना तांबोळी यांनी केले. “लेखक आपल्या”भेटीला या उपक्रमांमध्ये आदरणीय अशोक मानकर यांचा परिचय शबाना तांबोळी यांनी करून दिला.अशोक मानकर यांनी विद्यार्थ्यांशी मनसोक्त चर्चा केली व विद्यार्थ्यांच्या प्रश्नांची उत्तरे दिली. सदरील कार्यक्रमास ऑनलाईन द्वारे ५० ते ६० विद्यार्थ्यांनी सहभाग नोंदवला होता. यामध्ये जिल्हा परिषद प्राथमिक शाळा रुई दक्षिण तालुका अहमदपूर जिल्हा लातूर, जिल्हा परिषद प्राथमिक शाळा रुध्दा तालुका अहमदपूर जिल्हा लातूर, जिल्हा परिषद प्राथमिक शाळा हलसी (तुगाव) तालुका निलंगा जिल्हा लातूर येथील विद्यार्थ्यांनी सहभाग नोंदवला. या कार्यक्रमाचे प्रास्ताविक बालसंस्कार समूहाचे संपादक नवनाथ सूर्यवंशी यांनी केले. सदरील कार्यक्रमास शिक्षण विस्तार अधिकारी बालाजी शिंदे.सुदाम साळुंखे ,शिवने निवृत्ती,सतीश हलगरे,संदीप कोटापल्ले, मुजाहिद शेख,अनंत कदम,धनंजय उजनकर,गोपाळ गुट्टे,कामाक्षी पवार,जोगदंड ,गुणाले मनीषा,माळी सुवर्णा ,साके मॅडम, मिलिंद दाभाडे ,सोहम गिरी उपस्थित होते. कार्यक्रमाचे आभार प्रदर्शन बोईनवाड यांनी केले.
