कोपरगाव प्रतिनिधी
शिक्षणमहर्षी लहानुभाऊ नागरे स्थापित रेन्बो इंटरनॅशनल स्कूलमध्ये विद्यार्थ्यांच्या सर्वांगीण विकासासाठी आवश्यक विविध उपक्रम राबविले जातात त्याचेच प्रतिफल म्हणजे शाळेचा माजी विद्यार्थी तन्मय धीरज बजाज याने मिळवलेले नेत्रदीपक यश होय
बालपणापासुन तन्मयने डॉक्टर होण्याची इच्छा उरी बाळगुन वाटचाल सुरु ठेवली जिद्द , आत्मविश्वास गुरुजनांचे मार्गदर्शन व पालकांचा पाठिंबा यामुळे तन्मय यास
गुणवत्तेच्या आधारावर शासनमान्य महात्मा गांधी वैद्यकीय महाविद्यालय वर्धा येथे प्रवेश मिळाला असुन त्याची स्वप्नपूर्तीच्या दिशेने वाटचाल सुरू झाली आहे.
त्या अनुषंगाने शाळेच्या वतीने तन्मय व त्याचे पालक यांचा गौरव करण्यात आला . शाळेकडून केल्या गेलेल्या या गौरव सोहळ्याने पालकांसह तन्मय भारावून गेला असुन
माझ्या यशाचे श्रेय माझ्या आईवडिलांसह माझ्या शालेय शिक्षकांना जाते असे विचार त्याने आपल्या भाषणातून मांडले या गौरव सोहळ्यासाठी विश्वभारती रुरल एज्युकेशन संस्थेचे सचिव संजयजी नागरे,धीरजजी बजाज सीमाताई बजाज,प्रशासक सुरेश शिंदे,उपप्राचार्य,सोमनाथ सोनवणे,प्रशांत भास्कर,प्रविण कदम,सर्व शिक्षकवृंद व विद्यार्थी उपस्थित होते.सदर प्रसंगी बोलताना संजयजी नागरे सर यांना अण्णांच्या आठवणीने भरून आले आपल्या शाळेतील विद्यार्थी सर्व क्षेत्रांत उच्च पदावर पोहचावेत व त्यांच्या हातून देशसेवा घडावी हा अण्णांचा विचार आपल्या मनोगतातून त्यांनी मांडला तर या क्षणाच्या प्रतिक्षेत तन्मयने सातवर्षे खडतर कष्ट केल्याचे आई सीमाताई बजाज यांनी सांगितले तन्मयचे हे यश नक्कीच सर्व विद्यार्थ्यांना मार्गदर्शक व प्रेरक ठरेल असे सांगत सोमनाथ सोनवणे, तन्मयला शुभेच्छा दिल्या,सदर कार्यक्रमात शुभेच्छारूपी व प्रेरणादायी शब्दसुमनांचा वर्षाव करत नेहा पहाडे मॅडम व नंदिनी वक्ते यांनी सुत्रसंचालन केले तर संस्थचे अध्यक्ष कांतीलालजी अग्रवाल, विश्वस्त मनोजशेठ अग्रवाल, विश्वस्त आनंदजी दगडे, कार्यकारी संचालक आकाश नागरे यांनी ही तन्मयच्या उत्तुंग यशाचे कौतुक करुन भावी वाटचालीसाठी शुभेच्छा दिल्या .
