कोपरगाव प्रतिनिधी
कोकमठाण व पंचक्रोशीतील ग्रामस्थांनी केलेल्या १७५ व्या अखंड हरीनाम सप्ताहाच्या मागणीनुसार सरला बेटाचे मठाधिपती महंत गुरुवर्य रामगिरीजी महाराज यांनी नुकतीच कोकमठाण येथे येवून जागेची पाहणी केली आहे.
परम पुज्य ह.भ.प. गंगागिरी महाराज यांनी १७४ वर्षापूर्वी अखंड हरिनाम सप्ताह सुरु केले. यावर्षी होणारा १७५ वा अखंड हरिनाम सप्ताह कोकमठाण येथे व्हावा अशी मागणी कोकमठाण व पंचक्रोशीतील ग्रामस्थांच्या वतीने सरला बेटाचे मठाधिपती महंत गुरुवर्य ह.भ.प.रामगिरीजी महाराज यांच्याकडे केली होती. त्या मागणीची दखल घेवून महंत गुरुवर्य ह.भ.प.रामगिरीजी महाराज यांनी कोकमठाण येथे समक्ष येवून सप्ताहाच्या जागेची पाहणी केली. यावेळी कोकमठाण व पंचक्रोशीतील भाविक भक्तांच्या वतीने ह.भ.प.रामगिरीजी महाराज यांचे स्वागत करण्यात आले. नियोजीत जागेची पहाणी करतांना ह.भ.प.रामगिरीजी महाराज यांनी ग्रामस्थांशी सविस्तरपणे चर्चा केली. यावेळी कोकमठाण व पंचक्रोशीतील भक्त मंडळी मोठ्या संख्येने उपस्थित होते.
१७५ व्या अखंड हरीनाम सप्ताहाच्या नियोजना संदर्भात कोकमठाण येथे जागेची पाहणी करतांना महंत गुरुवर्य ह.भ.प.रामगिरीजी महाराज व कोकमठाण व पंचक्रोशीतील भाविक.
