कोपरगाव प्रतिनिधी
ग्रामीण भागातील आरोग्य यंत्रणेस बळकटी देण्यासाठी शासनाकडून अहमदनगर जिल्ह्यासाठी दि १७ जानेवारी च्या आदेशानुसार एकूण ८७ समुदाय आरोग्य अधिकाऱ्यांची नियुक्ती करण्यात आली असून यात कोपरगाव तालुक्यातील सहा रिक्त असलेल्या प्राथमिक आरोग्य उपकेंद्रास समुदाय आरोग्य अधिकाऱ्याची नियुक्ती करण्यात आली .
तालुक्यातील रिक्त असलेल्या दहेगाव बोलका प्राथमिक आरोग्य केंद्र अंतर्गत येणाऱ्या करंजी आरोग्य उपकेंद्रास भाग्यश्री सुनील ठोंबरे तर गोधेगाव आरोग्य उपकेंद्रास अंजली विश्राम ठुबे, वारी प्राथमिक आरोग्य केंद्र अंतर्गत येणाऱ्या कान्हेगाव आरोग्य उपकेंद्रास किरण दत्तात्रय भागवत तर वारी आरोग्य उपकेंद्रास संतोषी बाळासाहेब पावडे तसेच चासनळी प्राथमिक आरोग्य केंद्र अंतर्गत येणाऱ्या वेळापूर आरोग्य उपकेंद्रास संदीप सोपान ठोंबरे व सुरेगाव आरोग्य उपकेंद्रास पूजा संजय वाबळे यांची समुदाय आरोग्य अधिकारी म्हणून नियुक्ती करण्यात आली आहे.
वाढत्या कोरोनाचा पार्श्वभूमीवर आरोग्य उपकेंद्रास पूर्णवेळ डॉक्टर मिळणे शक्य नसले तरी समुदाय आरोग्य अधिकारी पूर्ण वेळ मिळाल्याने ग्रामीण भागातील नागरिकांना छोट्या मोठ्या अजारपणासाठी तालुकाच्या गावाला येण्याची आवश्यकता तरी भासणार नाही.त्यामुळे ग्रामीण भागातील आरोग्य यंत्रणेत यातून सुधारणा होण्यास मदत होऊन ग्रामीण भागातील आरोग्य यंत्रणा देखील बळकट होणार आहे.
