कोपरगाव प्रतिनिधी
या वेळी माजी. नगराध्यक्ष. मंगेश पाटील,राष्ट्र संत आश्रमाचे नूतन मॅनेजर विजय जाधव,जुनी गंगा देवी चे पुजारी नाईकवाडे बाबा , प्रा.प्रशांत झावरे सर,केतन जी कुलकर्णी,सौ.दीपाली ताई कुलकर्णी उपस्थित होते.
सोनी मराठी वाहिनीवर सुरू असलेल्या इंडियन आयडॉल मराठी या सिंगिंग रिॲलिटी शो मध्ये कोपरगावच्या सुरभि कुलकर्णी हिची टॉप-14 मध्ये निवड झाली आहे सुमारे 8 हजार स्पर्धकांनी या शोमध्ये सहभाग नोंदवला आहे त्यातून मुंबई व पुणे या ठिकाणी अनेक निवडचाचण्या घेण्यात आल्या. या निवडचाचणीच्या अनेक राऊंडस् मधून,परिक्षक सुप्रसिध्द संगीतकार जोडी अजय-अतुल तसेच सुप्रसिध्द पार्श्वगायिका बेला शेंडे यांनी सुरभिची निवड केली आहे. परिक्षकांनी सुरभिच्या आवाजाचे व वैविध्यपूर्ण गायनाचे कौतूक केले व तिला व्हर्सटाईल सिंगर म्हणून शाबासकीची थाप दिली आणि तिला या शोमधील गोल्डन माईक देवून गौरविले.
संपूर्ण अहमदनगर जिल्ह्यातून या शो मध्ये निवडली गेलेली सुरभि ही एकमेव स्पर्धक असल्याने तिचे संपूर्ण जिल्हयातून कौतुक होत आहे.* या शोमध्ये सुप्रसिद्ध गायिका अनुराधा पौडवाल, साधना सरगम, उत्तरा केळकर, प्रसिध्द गायक व मिमिक्री आर्टिस्ट सुदेश भोसलेयांच्या सारख्या मान्यवरांसमोर सुरभिचे गायन सादर झाले. ती सुमारे 2 ते अडीच महीने या शोच्या तयारी व शूटींग साठी मुंबई येथे वास्तव्यास होती या शोमध्ये तिला खूप छान अनुभव आला तिला खूप काही शिकायला मिळाले असे तिने सांगितले.
सुरभिचे संगीताचे शिक्षण ती 4 वर्षाची असल्यापासून तिचे आईवडील सौ. दीपाली कुलकर्णी व केतन कुलकर्णी यांच्या शारदा संगीत विद्यालय, कोपरगाव येथे सुरू आहे.सुगम संगीत गायनाबरोबर शास्त्रीय संगीत गायनाचे धडे देखिल तिने घेतले आहेत. सुरभि गायनाबरोबर उत्कृष्ट हार्मोनियम व गिटार वादन देखिल करते.सुरभि सध्या संजीवनी इंजिनिअरींग कॉलेज, कोपरगाव येथे अभियांत्रीकीचे शिक्षण घेत आहे.
सुरभी कुलकर्णीचे इतर अचिव्हमेन्ट्स
सुरभि आजवर अनेक टिव्ही चॅनल्स वर विविध रिअँलिटी शोमध्ये सहभागी झाली आहे.
. दूरदर्शन सह्यद्री वरील वा रे वा
. ई टिव्ही मराठी (कलर मराठी)* वरील गौरव महाराष्ट्राचा
. साम टिव्ही मराठी वाहीनीवरील शाब्बास कार्यक्रमात सिंगींग टॅलेंट म्हणून गायनासह मुलाखत प्रस्तुत
.झी युवा संगीत सम्राट
. प्रसारभारती अहमदनगर आकाशवाणी एफ.एम. रेडिओ वर गायन प्रस्तुत
. रेडिओ नगर एफ.एम. वरून “दिवाळी पहाट” हा गाण्याचा स्वतंत्र कार्यक्रम प्रस्तुत
. दिंडोरी व त्रंबकेश्वर येथील श्री स्वामी समर्थांचा भक्तीगीतांचा डिव्हीडी अल्बम मध्ये सुरभिच्या आवाजातील गाणी समाविष्ट करण्यात आली आहेत. तसेच
सुरभिचे अनेक ठिकाणी गायनाचे कार्यक्रम प्रस्तुत झाले आहेत. यात प्रामुख्याने, पुणे फेस्टीव्हल या आंतरराष्ट्रीय महोत्सवात “गीत सुरभि” हा गायनाचा स्वतंत्र कार्यक्रम प्रस्तुत
कोपरगाव सह सुरभिचे शिर्डी, अहमदनगर, संगमनेर, प्रवरानगर, पुणे, नागपूर, गणपती पुळे, मढी कानिफनाथ, जळगाव, नाशिक, इंदोर, मुंबई येथे अनेक ठिकाणी गायनाचे कार्यक्रम झाले आहेत.
सुरभिला अनेक सन्मान प्राप्त झाले आहेत त्यात प्रामुख्याने स्वरानंद पुरस्कार (अहमदनगर), सूर्यतेज संस्थेचा सुशांत जी घोडके चा कोपरगावचा अभिमान, गौरव कोपरगावचा (ज्योती सह. पतसंस्था), कोपरगाव नगरपालिकेतर्फे सन्मान इत्यादी.
सुरभि गायनाबरोबरच लायन्स क्लब तर्फे घेण्यात आलेल्या* मिस कोपरगाव”या स्पर्धेची विजेती आहे.
राष्ट्रसंत जनार्धन स्वामी आश्रमाचे मठाधिपती रमेशगिरीजी महाराज यांनी सुरभि ला तिच्या गायनासाठी च्या पुढील आयुष्याच्या वाटचालीस शुभेच्छा पर आशीर्वाद देऊन , सुरभि च्या आई वडिलांचे खूप कौतुक केले. सुरभि ही नर्सरी ते चौथी परियन्त आश्रमाच्या शाळेत शिकली होती.संपूर्ण सुरभीच्या कुटुंबाने जनार्धन स्वामींच्या मंदिरात जाऊन बाबाजींच्या समाधी चे दर्शन घेतले. माजी.नगराध्यक्ष. मंगेश पाटील म्हणाले की कोपरगाव करांचा मान आणि नाव या कोरोनाच्या वाईट काळात ही सुरभि मूळे नुसते भारत भर नव्हे तर जगभर गेले व वाढले , निश्चित सुरभि चे कार्य / काम / गायनाचे अधिष्ठान / सातत्य / चिकाटी / प्रयत्न व तिच्या आई वडिलांचा ध्यास व संगीता विषई चे प्रेम हे तरुण पिढी साठी , नवबालकांना , आदर्शवत प्रेणादायी होईल / ठरेल असे पाटील शेवटी म्हणाले.
