कोपरगाव प्रतिनिधी
समता नागरी सहकारी पतसंस्था चेअरमन काका कोयटे यांच्या मार्गदर्शनाखाली विविध योजना आणि उपक्रम बालवयापासून ते जेष्ठ नागरिकांपर्यंत पोहचत असून या योजना,उपक्रमाच्या माध्यमातून प्रत्येकाचे हित जोपासत आहे.यामुळे समताचे सभासदांशी असणारे नाते अधिक दृढ होऊन विश्वास जतन होत असतो.यांसारख्या विविध उपक्रमांपैकी एक घर , एक रांगोळी या उपक्रमांतर्गत १३ जानेवारी ते १६ जानेवारी २०२२ या कालावधीत केंद्र व राज्य सरकारने कोरोना विषयी घालून दिलेल्या निर्बंधांचे पालन करत समता पतसंस्था आणि कालांश राजगिरा लाडू यांच्या विद्यमाने रंगकला प्रॉडक्शन आयोजित भव्य रांगोळी स्पर्धा आयोजित करण्यात असून ही स्पर्धा ऑनलाईन स्वरूपात घेण्यात येत असून फक्त कोपरगाव तालुक्यातील स्पर्धकांसाठी मर्यादित असून विनामूल्य आहे.कोपरगाव तालुक्यातील शहरी व ग्रामीण भागातील महिला स्पर्धकांमधील कला-गुण विकसित करण्याची सुवर्णसंधी समता उपलब्ध करून देत जास्तीत जास्त महिला स्पर्धकांनी यात सहभागी व्हावे.असे आवाहन समता महिला बचत गटाच्या अध्यक्षा सौ सुहासिनी ओमप्रकाश कोयटे यांनी केले.
स्पर्धेत सहभागी होणाऱ्या महिला स्पर्धकांसाठी नियम व अटी खालीलप्रमाणे –
१) स्पर्धेसाठी विषय, आकार,रंगाचे कोणतेही बंधन नाही.
२) रांगोळी १३ जानेवारी ते १६ जानेवारी २०२२ या कालावधीत काढलेली असावी.
३) स्पर्धेसाठी काढलेल्या रांगोळी सोबत कुटुंबातील सर्व सदस्यांचे एकत्रित छायाचित्र असावेत.
४) एकाच रांगोळीचे दोन फोटो पाठविल्यास ती रांगोळी स्पर्धेतून बाद केली जाईल.
५) एका कुटुंबातील एकच रांगोळी स्पर्धेसाठी ग्राह्य धरली जाईल.
६) स्पर्धेसाठी पाठविण्यात येणाऱ्या रांगोळीच्या छायाचित्राखाली स्पर्धकाने नाव,पत्ता,मोबाईल क्रमांक,आणि वय नमूद करावे.
७) स्पर्धेचे परीक्षक रांगोळी परीक्षणासाठी रांगोळीचे छायाचित्रे पाठविलेल्या दिवशी कधीही स्पर्धकाच्या घरी जाऊन परीक्षण करू शकतील.
८) परीक्षक आणि आयोजकांचा निर्णय अंतिम राहील.
९) स्पर्धेतील विजेत्यांचा निकाल आणि बक्षिसे विजेत्यांशी संपर्क करून दिली जातील.
१०)९१५८२७६६८५,९५०४९५९५१०,९८२२५२८३२८ वरील व्हाट्सअप क्रमांकावर वर रांगोळीचे छायाचित्र, नांव,पत्ता, मोबाईल क्रमांक व वयाची माहिती पाठवावी तसेच अधिक माहितीसाठी स्पर्धकांनी वरील क्रमांकावर संपर्क साधावा.
