कोपरगाव प्रतिनिधी
कोपरगाव शहरातील सुरु असलेली विकासकामे वेळेत व गुणवत्तापूर्ण करावी. ज्या ठेकेदारांकडून विकासकामे गुणवत्तापूर्ण व दिलेल्या मुदतीच्या होणार नाही अशा ठेकेदारांची गय केली जाणार नाही अशी तंबी श्री साईबाबा संस्थानच्या विश्वस्त मंडळाचे अध्यक्ष आ. आशुतोष काळे यांनी कोपरगाव येथील विकासकामांच्या आढावा बैठकीत ठेकेदारांना दिली.
कोपरगाव शहरात सुरु असलेल्या विविध विकास कामांचा आढावा आ. आशुतोष काळे यांनी कोपरगाव येथे घेतला. यावेळी माजी नगराध्यक्ष विजय वहाडणे, मुख्याधिकारी शांताराम गोसावी, महात्मा गांधी चॅरीटेबल ट्रस्टचे सचिव धरमचंद बागरेचा, राष्ट्रवादीचे शहराध्यक्ष सुनील गंगुले, नगरसेवक गटनेते विरेन बोरावके, गौतम बँकेचे संचालक सुनील शिलेदार, राजेंद्र वाघचौरे, राष्ट्रवादीचे युवक शहराध्यक्ष नवाज कुरेशी, फकीर कुरेशी, बाला गंगुले, वाल्मिक लहिरे, विलास आव्हाड, नारायण लांडगे, विक्रांत सोनवणे, राजेंद्र जोशी, राजेंद्र डागा, सलीम अत्तार, सोमनाथ गायकवाड, चंद्रकांत धोत्रे, सचिन बनकर, एस.के.येवले, नंदू माळोदे, सोमेश कायस्त, विक्की जोशी, संतोष साबळे, भरत आढाव, समीर गवळी, काका चौधरी, जितेश बोरुडे, वंसत देवकर, कैलास भुतडा, दीपक गंगवाल, रिकेश नरोडे, जुनेद कुरेशी उपस्थित होते.
या बैठकीत बोलतांना आ.आशुतोष काळे म्हणाले की, कोपरगाव शहराचा विकास रखडल्यामुळे नागरिकांमध्ये प्रचंड नाराजी आहे. कोपरगाव शहराच्या विकासासाठी मोठ्या प्रमाणावर निधी उपलब्ध करून दिला आहे. अनेक विकास कामांच्या निविदा प्रसिद्ध होवून काही कामे सुरु असली तरी काही कामे अद्याप सुरु झालेली नाही. तसेच सुरु असलेली अनेक विकास कामे अत्यंत धीम्या गतीने सुरु असल्यामुळे नागरिकांना त्याचा मोठा त्रास सहन करावा लागत आहे. त्याबाबत नागरिकांच्या तक्रारी येत आहेत. विकास कामांचा ठेका घेतलेले अनेक ठेकेदार मुदतीच्या आत विकासकामे पूर्ण करण्यासाठी उदासीन दिसून येत आहेत. अशा सर्व ठेकेदारांनी आपली कामे दिलेल्या मुदतीच्या आत व वेळेत दर्जेदार करावी. ज्या ठेकेदारांकडून विकास कामे वेळेत आणि दर्जेदार होणार नाही अशा ठेकेदारांची गय केली जाणार नाही अशी तंबी आ. आशुतोष काळे यांनी यावेळी दिली. तसेच आमदार आशुतोष काळे यांनी यावेळी ज्या ठिकाणी विकासकामे सुरु आहेत त्या ठिकाणी जावून प्रत्यक्ष विकासकामांची पाहणी करून सबंधित ठेकेदारांना सूचना दिल्या
कोपरगाव शहरात सुरु असलेल्या विकास कामांची पाहणी करतांना आ. आशुतोष काळे.
