कोपरगाव प्रतिनिधी
– शिक्षण महर्षी लहानुभाऊ नागरे स्थापित रेन्बो इंटरनॅशनल स्कूलमध्ये माहे सप्टेंबर २०२१ पासुन प्रत्यक्ष शाळा सुरू करून प्रत्यक्ष अध्ययन व अध्यापन पद्धती सुरु आहे . कोरोना पार्श्वभूमी अंतर्गत सर्व नियमांचे पालन करत हसत – खेळत शिक्षण पध्दती सुरु असुन मुलांची उपस्थिती देखील वाखाणण्याजोगी आहे . तथापि जगभरात अजुनही कोरोनारूपी संकटाने आपली पाठ सोडलेली नाही त्याची व्यापकता बघता शासनाने ३ जानेवारी २०२२ पासुन १५ ते १८ वयोगटातील मुलांना कोवीड लस देणाचा निर्णय घेतला आहे या शासन निर्णयाचे स्वागत करत
दि .५ जानेवारी २०२२ रोजी रेन्बो इंटरनॅशनल स्कूलमध्ये शाळेतील १५ ते १८ वयोगटातील विद्यार्थ्यांना कोवॅक्सीन लस देण्यात आली . यासाठी संबंधीत वयोगटातील विद्यार्थ्यांचा उत्स्फूर्त प्रतिसाद मिळाला .
सदर कोवॅक्सीन लस ही जेऊर कुंभारी आरोग्य उपकेंद्रातंर्गत ( पी .एच .सी . संवत्सर ) देण्यात आली असुन आरोग्यवर्धिनी डॉ . अपर्णा आगवान, परिचारिका – हर्षाली बोरुडे , आरोग्य सेवक श्री.रितेश शिंदे, आरोग्य सेविका कविता गायकवाड , मंगल पठारे, अनिता मोहिते यांच्याद्वारे हे लसीकरण करण्यात आले . यादरम्यान शाळेचे प्रशासक – सुरेश शिंदे सर , उप-प्राचार्य – प्रशांत भास्कर , प्रविण कदम , सोमनाथ सोनवणे यांच्यासह ज्येष्ठ शिक्षक दिपक वक्ते सर व महिला शिक्षिका उपस्थित होत्या . अतिशय सुरक्षित , शिस्तबद्ध व शांततेच्या वातावरणात शालेय लसीकरण मोहिम पार पडली . कोव्हीड पार्श्वभूमी अंतर्गत घेतल्या गेलेल्या या लसीकरण मोहिमेचे पालकांनी कौतुक केले . तर संस्थेचे कार्यकारी संचालक आकाश नागरे सरांनीही आरोग्य सेवकांच्या कार्याचे कौतुक करत तेच राष्ट्राचे खरे आरोग्यदूत असल्याचे सांगितले यासह अध्यक्ष श्री. कांतीलालजी अग्रवाल, सचिव श्री . संजयजी नागरे, विश्वस्त श्री. मनोजशेठ अग्रवाल, विश्वस्त श्री. आनंदजी दगडे यांनीही या आरोग्यदूतांच्या कार्याचे कौतुक करुन त्यांना शुभेच्छा दिल्या .
