कोपरगाव प्रतिनिधी
कोरोना महामारीमुळे गेल्या दोन वर्षापासुन जनजीवन पुर्णपणे विकस्ळीत झाले असुन शालेय व महाविद्यालयीन शिक्षण घेणा-या विद्यार्थ्यांना तिस-या कोरोना लाटेचा धोका होवु नये यासाठी युवानेते व जिल्हा बँकेचे संचालक विवके कोल्हे यांनी सातत्याने काळजी घेवुन आवश्यक त्या उपाययोजना केल्या व संजीवनी इंग्लिश मिडीयम स्कुलच्या इयत्ता नववी व दहावीच्या ११६ विद्यार्थ्याचे कोरोना लसीकरण पुर्ण करून घेतले अशी माहिती अकॅडमीक मुख्य एच. बी. नळे यांनी दिली. प्रारंभी पत्रकार दिनानिमीत्त बाळशास्त्री जांभेकरांना अभिवादन करण्यांत आले. मुख्याध्यापक बाळासाहेब जाधव प्रास्तविक करतांना म्हणाले की, संजीवनी उद्योग समुहाचे अध्यक्ष बिपीनदादा कोल्हे हे प्रत्येक संकटात कर्तव्यदक्ष राहुन मदत करतात, कोरोना महामारीचे उच्चाटनासाठी जिल्हा बँकेचे संचालक विवेक कोल्हे यांनी शालेय व्यवस्थापनात प्रत्यक्ष बैठका घेवुन मार्गदर्शन दिले. सध्या ओमीक्राँन तिस-या लाटेचा धोका वाढतो आहे. पंतप्रधान नरेंद्र मोदी यांनी देशातील सर्व शालेय विद्याथ्र्यांचे लसीकरणासाठी देशव्यापी कार्यक्रम जाहिर केला. संजीवनी इंग्लिश मिडीयम स्कुलने सर्वप्रथम प्रतिसाद देत इयत्ता नववी व दहावीच्या पंधरा वर्षावरील विद्यार्थ्यांचा जास्तीत जास्त सहभाग त्यात वाढविला. दहेगांव प्राथमिक आरोग्य केंद्राचे डॉ. एस. के. गायकवाड, परिचारीका एच. बी. परदेशी, ए. आर. गोधडे यांच्या हस्ते कोविड लसीकरणाचे उदघाटन करून सर्व विद्यार्थ्यांना लस देण्यांत आली. कार्यक्रम यशस्वी करण्यासाठी सर्व शिक्षक व शिक्षकेतर कर्मचा-यांनी परिश्रम घेतले.
संजीवनी इंग्लिश मिडीयम स्कुलच्या इयत्ता नववी व दहावीच्या ११६ विद्यार्थ्यांचे कोरोना लसीकरण डॉ. एस. के. गायकवाड, परिचारीका एच. बी. परदेशी, ए. आर. गोधडे यांच्या हस्ते पुर्ण करण्यात आले.
