कोपरगाव प्रतिनिधी
कोपरगांव तालुका कृषी उत्पन्न बाजार समिती अंतर्गत तालुक्यातील तिळवणी शिरसगांव येथे उपकेंद्र सुरू करण्यांत आले असुन येथे शेतक-यांनी मोठया प्रमाणांत कांदा विक्रीसाठी आणला असुन भाजपाच्या प्रदेश सचिव स्नेहलता कोल्हे यांनी या बाजार उपकेंद्रास नुकतीच भेट देवुन पाहणी करत शेतक-यांशी संवाद साधला, त्यांच्या अडी अडचणी जाणुन घेतल्या.
प्रारंभी पंचायत समितीचे माजी सदस्य बबनराव निकम यांनी प्रास्तविक केले. कोपरगांव तालुका कृषि उत्पन्न बाजार समिती अंतर्गत तिळवनी शिरसगांव बाजार उपकेंद्र सुविधा या ठिकाणी सुरू झाल्याने पुर्व भागातील तसेच बाहेरगांवच्या. शेतक-यांना शेतमाल विकीसाठी चांगली सुविधा उपलब्ध झाल्याबददल रेवण निकम यांनी सौ. स्नेहलता कोल्हे यांना माहिती देत पिण्यांसाठी पाणी व रात्रीच्यावेळी वीज सुविधा येथे गरजेची असुन त्याबाबत कार्यवाही व्हावी अशी मागणी करत सौ. कोल्हे यांचा त्यांनी सत्कार केला. सौ स्नेहलता कोल्हे यांनी कोपरगाव कृषी उत्पन्न बाजार समितीच्या अधिकाऱ्यांशी संपर्क साधला व येथील उणीवा दुर करुन शेतकऱ्यांना सोयी सुविधा देण्याबाबत सुचना केल्या. याप्रसंगी सर्वश्री हेमंत निकम, दादाभाउ शिंदे, राजेश मोरे, रविंद्र निकम, ज्ञानेश्वर निकम, प्रभाकर उकीर्डे, नासिर पठाण, सोनु पटेल, आण्णा भुजाडे, संतोष काळे, निलेश सोनवणे आदि उपस्थित होते.
भाजपाच्या प्रदेश सचिव स्नेहलता कोल्हे यांनी तीळवणी शिरसगाव बाजार उपकेंद्रास नुकतीच भेट देवुन पाहणी करत शेतक-यांशी संवाद साधला त्याबददल त्यांचा रेवण निकम व त्यांच्या सहका-यांनी सत्कार केला
