कोपरगाव प्रतिनिधी
शिक्षण महर्षी लहानुभाऊ नागरे स्थापित रेन्बो इंटरनॅशनल स्कूलमध्ये दि . २४ डिसेंबर २०२१ रोजी नाताळ सण मोठ्या उत्साहात साजरा करण्यात आला . जगाला प्रेम व शांततेचा संदेश देणाऱ्या प्रभू येशू ख्रिस्तांचा जन्मोत्सव नाताळ सणरूपाने जगभरात साजरा केला जातो . एकात्मकतेचा संदेश देणारा नाताळ हा सण साजरीकरणातंर्गत विद्यार्थ्यांनी सादर केलेल्या संगीत , गायन , नृत्य , प्रभू येशू ख्रिस्त यांची ‘जन्मसोहळा नाटीका’ अशा विविध कलाविष्कारांनी वातावरण भारावून गेले होते . कलाशिक्षक दत्ता डोखे संराच्या मार्गदर्शनाखाली विद्यार्थ्यांनी प्रभू येशू ख्रिस्तांचा जन्म देखावा तयार केला तर समाजातून कोरोनारूपी संकटाचे सावट दूर व्हावे व पुनश्च एकदा एकतेने व विविधतेने नटलेले असे आनंदोत्सव धुमधडाक्यात साजरे व्हावेत अशी आशा नेहा पहाडे मॅडम यांनी आपल्या भाष्यातून व्यक्त केली . ‘ जिंगल बेल्स ‘ गाण्याच्या मधूर लहरींनी वातावरण भारावलेले असतांनाच ‘ सांताक्लॉज’ च्या रुपाने संतोष शेंदूर्णीकर सरांचे आगमण झाले आणि विद्यार्थ्यांनी प्रचंड टाळ्यांच्या गजरात त्यांचे स्वागत केले तसेच ‘ख्रिसमस फ्रेन्ड’ या
उपक्रमातंर्गत सर्व विद्यार्थ्यांसह शिक्षकांनीही परस्परांना भेटवस्तू देऊन उत्सव साजरा केला .
अशा या वैविध्यपूर्ण कलाविष्कारांनी युक्त उत्सवाला प्रमुख पाहुणे म्हणून विश्वभारती रूरल एज्युकेशन संस्थेचे सचिव . श्री .संजयजी नागरे सर लाभले होते . सदर कार्यक्रमातंर्गत विद्यार्थ्यांनी सादर केलेल्या विविध कलाविष्कारांचे कौतुक करत त्यांनी सर्वांना नाताळ सणाच्या शुभेच्छा दिल्या . या संपूर्ण कार्यक्रमाला शाळेचे उपप्राचार्य प्रविण कदम सरांचे विशेष मार्गदर्शन लाभले तर सर्व शिक्षक व शिक्षकेत्तर कर्मचाऱ्यांच्या सहकार्याने कार्यक्रम यशस्वी पार पडला . अशा या हर्षोल्हासित व नेत्रदीपक नाताळ सणाच्या आनंदोत्सवाचे सुत्रसंचालन भक्ती टिळेकर ,
वरुण जोशी सह पुष्कर उदावंत या विद्यार्थ्यांनी केले तर कशीश अमेसर मॅडम यांनी आभाराची सुत्रे स्वीकारून आभार व्यक्त केले .संस्थेचे अध्यक्ष श्री. कांतीलालजी अग्रवाल, विश्वस्त श्री. मनोजशेठ अग्रवाल, विश्वस्त श्री. आनंदजी दगडे, कार्यकारी संचालक श्री. आकाश नागरे, प्रशासक सुरेश शिंदे , उपप्राचार्य प्रविण कदम , प्रशांत भास्कर, सोमनाथ सोनवणे यांनी सदर कार्यक्रमाचे कौतुक केले व नाताळ सणाच्या शुभेच्छा दिल्या .
