कोपरगाव प्रतिनिधी
कोपरगाव तालुक्यात चांदेकसारे येथील जोगेश्वी इंटरनॅशनल स्कूल नाताळ सण उत्साहात साजरा करण्यात आला .दरवर्षी २५ डिसेंबर या दिवशी येशू ख्रिस्त यांचा जन्मदिन म्हणून जगभर
ख्रिसमस साजरा केला जातो. जगाभरात बऱ्याच मोठ्या भागात हा सण मध्यरात्री साजरा केला जातो, तर काही ख्रिश्चन अनुयायी व काही ख्रिस्ती पंथ मात्र सायंकाळी हा सण साजरा करतात. भगवान येशूंच्या जन्माची सुवार्ता विशद करणाऱ्या मॅथ्यू आणि ल्यूक यांच्या ज्या कथा ही आहेत.
शाळेचे अध्यक्ष भास्कर होन यांच्या हास्ते विद्यार्थ्यांना संताक्लाॅजचे मुखोटे , खाऊचे वाटप करण्यात आले यावेळी संचालक सुनिल होन यांनी विद्यार्थीना नाताळाची माहिती सांगितली तसेच शालेय परिसरात विद्यार्थ्यांची रॅली काढून विद्यार्थ्यांना चॉकलेट वाटप करून विद्यार्थीना शुभेच्छा दिल्या.विद्यार्थ्यांनी प्रभू येशूच्या जीवनावर नाटिका सादर केली तसेच सांताक्लॉजची वेशभूषा केलेल्या विद्यार्थ्यांनी जिंगल बेलवर ताल धरला. येशू ख्रिस्ताच्या जन्माचा देखावा सादर करण्यात आला होता. सांताक्लॉज, फादर,परी मेंढपाळ अशी वेशभूषा मुलांनी केली होती. या प्रसंगी संस्थेचे अध्यक्ष भास्कर होन, उपाध्यक्षा, अलकाताई होन, सचिव सुनिल होन, व्यवस्थापकीय संचालक सागर होन, प्राचार्या ज्योती खरात, पल्लवी होन, कु काजल पटारे, कु. श्रध्दा होन, साई कोळगे,सौ नंदा गायकवाड, मनिषा पगारे, मोहम्मद शरीफ शेख, बाळासाहेब होन, वाल्मिक होन आदी उपस्थित होते.
कार्यक्रमचे सुत्रसंचालन- कु. श्रध्दा होन व कु. काजल पटारे यांनी केले व आभार शिक्षिका पल्लवी होन यांनी मानले.
