कोपरगाव प्रतिनिधी
कोपरगाव तालुक्यातील जेऊर कुंभारी परिसरातील आत्मा मालिक करियर अकॅडमीमध्ये आज दिनांक २१.१२.२०२१ रोजी संवत्सर केंद्र अंतर्गत तसेच कोकणठाण ग्रामपंचायत यांच्या विद्यमानाने संवत्सर आरोग्य केंद्रातील समुदाय अधिकारी विनया ढाकणे, विशाल धांदरे अशा सेविका यांच्या मार्गदर्शनाखाली आत्मा मालिक करिअर अकॅडमी मधील विद्यार्थ्यांना लसीकरण करण्यात आले. आत्मा मलिक करिर अकॅडमीमध्ये शहरातील व ग्रामीण भागातील विद्यार्थी मोठ्या प्रमाणात शिक्षणासाठी येत असतात काही विद्यार्थ्यांचे लसीकरण न झाल्यामुळे विद्यार्थी लस घेण्यासाठी तासिका बुडवतात हे आत्मा मालिक अकॅडमीचे संचालक पंकज भोंगळे यांच्या निदर्शनास आले तेव्हा त्यांनी कोणत्या गोष्टीचा विलंब न करता गट विकास अधिकारी सचिन सूर्यवंशी साहेब यांच्याशी चर्चा करून विद्यार्थ्यांना लसीकरण कसे उपलब्धत होईल यासाठी प्रयत्न करण्यात आला.तेव्हा गटविकास अधिकारी सचिन सूर्यवंशी साहेब यांनी चांगला प्रतिसाद दिला. तेव्हा आज आत्मा मलिक करिअर अकॅडमी मध्ये २०० विद्यार्थ्यांसह जेऊर कुभांरी, कोकमठाण या भागातील नागरिकांनी लसीकरण करून घेण्यात आले अशी माहिती पंकज भोंगळे यांनी दिली.
