कोपरगाव प्रतिनिधी
देशपातळीवर नांवलौकीक असलेल्या कोईमतुर उस संशोधन संस्थेच्या उपाध्यक्षपदी विवेक कोल्हे यांची बिनविरोध निवड झाल्याबददल त्यांचा अमृत व सुवर्ण संजीवनी शुगरकेन संस्थेच्यावतीने शनिवारी सत्कार करण्यात आला. उस संशोधन विकासात आधिकाधिक प्रगती करून क्षारयुक्त, चोपण व नदीकाठच्या जमिनीमध्ये कमी पाण्यात कमी खर्चात उसाचे उत्पादन अधिक कसे वाढेल यावर आपला भर राहणार असल्याचे विवेक कोल्हे यांनी सत्कारास उत्तर देतांना सांगितले.अमृत संजीवनी शुगरकेन संस्थेचे अध्यक्ष पराग संधान व सुवर्ण संजीवनी शुगरकेन संस्थेचे उपाध्यक्ष शिवनाथ शिंदे, उपाध्यक्ष राहुल चांदगुडे व सर्व संचालकांनी जिल्हा सहकारी बँकेचे संचालक व सहकारमहर्षी शंकरराव कोल्हे सहकारी साखर कारखान्यांचे तज्ञ संचालक विवेक कोल्हे यांची कोईमतुर उस संशोधन संस्थेच्या उपाध्यक्षपदी निवड झाल्याबददल शनिवारी कारखाना कार्यस्थळावर सत्कार केला त्याप्रसंगी ते बोलत होते. प्रारंभी सहकारमहर्षी शंकरराव कोल्हे कारखान्यांचे उपाध्यक्ष आप्पासाहेब दवंगे व अमृत सुवर्ण शुगरकेन संस्थेचे मानद कार्यकारी संचालक बापूसाहेब औताडे यांनी स्वागत केले. याप्रसंगी कार्यकारी संचालक बाजीराव जी. सुतार, साखर सरव्यवस्थापक शिवाजीराव दिवटे, केन मॅनेजर गोरखनाथ शिंदे, अमृत व सुवर्ण संजीवनी शुगरकेन संस्थेचे संचालक सर्वश्री लक्ष्मीकांत होन, भाउसाहेब होन, गोपीनाथ गायकवाड, विजय जामदार कचेश्वर रानोडे, बिच्चुनाना जाधव, अंबादास देवकर, रविंद्र आगवण, सोपानराव कासार, देविदास भिंगारे, विकास शिंदे, सलीम शेख, अशोकराव आवारे, विजय काळे, सिताराम वाळके, रमेश उगले, जालिंदर आढाव, संतोष भिंगारे, लहानु मेमाणे, चंद्रकांत चांदगुडे, संदिप देवकर, विलास भाकरे, मनोज चव्हाण, बाळासाहेब आहेर, सुभाष आहेर, बळवंत नरोडे, राधाकिसन कदम, बबनराव आहेर, योगेश मांजरे, संतोष कदम, अकौंटंट एस सी निकम आदि उपस्थित होते. श्री. विवेक कोल्हे पुढे म्हणाले की, माजीमंत्री शंकरराव कोल्हे यांचे मार्गदर्शन आणि संजीवनी उद्योग समुहाचे अध्यक्ष बिपीनदादा कोल्हे यांच्या नेतृत्वाखाली सहकारमहर्षी शंकरराव कोल्हे कारखाना कार्यक्षेत्रातील उस उत्पादक सभासदांचे दर एकरी उत्पादन वाढावे म्हणून सातत्याने प्रयत्न सुरू आहे, उसाचा उतारा वाढला की त्याचा फायदा शेतक-यांना मिळतो म्हणून बिपीनदादा कोल्हे यांनी कार्यक्षेत्रात ८६०३२ उस वाणाबरोबरच अन्य नवनविन जातीच्या लागवडीसाठी कालबध्द कार्यक्रम घेवुन त्याबाबतचे संपुर्ण मार्गदर्शन दिले, कोईमतुर उस संशोधन संस्थेच्या उपाध्यक्षपदी निवड झाल्यांने यातील राहिलेल्या उणीवा प्रामुख्याने दुर करून संस्थेअंतर्गत कार्यरत संचालक शास्त्रज्ञांचे सहकार्याने अधिक चांगले काम करून शेतक-यांच्या उस उत्पादन वाढीसाठी काय उपाययोजना करता येतील याचा प्रामाणिक प्रयत्न करू. शेवटी मानद कार्यकारी संचालक बापूसाहेब औताडे यांनी आभार मानले.अमृत व सुवर्ण संजीवनी शुगरकेन संस्थेच्या वतींने युवानेते, जिल्हा सहकारी बँकेचे संचालक व सहकारमहर्षी शंकरराव कोल्हे सहकारी साखर कारखान्यांचे तज्ञ संचालक विवेक कोल्हे यांची कोईमतुर उस संशोधन संस्थेच्या उपाध्यक्षपदी निवड झाल्याबददल अमृत संजीवनीचे अध्यक्ष पराग संधान यांच्या हस्ते सत्कार करण्यात आला.
