कोपरगाव प्रतिनिधी
कोपरगाव ता. २९ कोपरगाव येथील श्री सदगुरु गंगागीर महाराज सायन्स, गौतम आर्टस् अॅण्ड संजीवनी कॉमर्स कॉलेजमध्ये संविधान दिन संपन्न झाला. महाविद्यालयाचे प्राचार्य डॉ. शंकर थोपटे यांनी उपस्थिताना संविधानाची शपथ देत संविधानाचे महत्व विशद केले. संविधानामुळेच या देशाची एकसंधता टिकून राहिली असून विद्यार्थ्यांमध्ये संविधानिक मूल्य रुजणे आज गरजेचे असल्याचे मत त्यांनी याप्रसंगी व्यक्त केले. उपप्राचार्य डॉ. सुभाष रणधीर यांनी संविधान दिनाचा हेतू स्पष्ट करीत विद्यार्थ्यांना मार्गदर्शन केले. ते म्हणाले की, महामानव डॉ बाबासाहेब आंबेडकर यांच्यासह संविधान निर्मितीत योगदान देणाऱ्या सर्व समाजक्रांतिकारकाच्या कार्याची महती विद्यार्थ्यांनी जाणून घेणे आवश्यक आहे.
कार्यक्रमाचे प्रास्ताविक व उपस्थितांचे स्वागत सांस्कृतिक विभाग प्रमुख डॉ. बाबासाहेब शेंडगे यांनी केले. राज्यशास्त्र विभाग प्रमुख प्रा. सतीश देबडे यांनी आभार मानले
सदर प्रसंगी महाविद्यालायाचे परीक्षा विभाग प्रमुख डॉ. देविदास रणधीर, डॉ. माधव यशवंत, राष्ट्रीय सेवा योजना कार्यक्रम अधिकारी प्रा. एम. के. दिघे, प्रा. रोहिणी डिबरे आदिंसह शिक्षकेतर सेवक व विद्यार्थी उपस्थित होते.
