कोपरगाव प्रतिनिधी
राजकीयदृष्टया महत्वाच्या असलेल्या तालुक्यातील धामोरी येथे भारतीय जनता पक्ष कार्यालयाचे उदघाटन जिल्हा सहकारी बँकेचे संचालक विवेक कोल्हे यांच्या हस्ते गुरूवारी करण्यांत आले. केंद्र व राज्यस्तरावर जनसामान्यासाठी असणा-या विविध योजना तळागाळापर्यंत पोहोचवुन त्यातुन गोर-गरीब, वंचित, गरजु घटकांना फायदा व्हावा यासाठी सर्वांनी या कार्यालयाचा लाभ घ्यावा असे आवाहन विवेक कोल्हे यांनी यावेळी बोलतांना व्यक्त केले. अध्यक्षस्थानी प्रकाश वाघ होते. प्रारंभी श्री. अशोक भाकरे यांनी स्वागत व प्रास्तविक केले. भाजपाचे तालुकाध्यक्ष साहेबराव रोहोम व भाजपा युवा मोर्चाचे तालुकाध्यक्ष विक्रम पाचोरे, बाळासाहेब पानगव्हाणे यांनी पक्ष संघटनात्मक कार्यासह प्रदेश सचिव स्नेहलता कोल्हे यांनी केलेल्या विकास कामांची माहिती दिली.याप्रसंगी सहकारमहर्षी कोल्हे कारखान्यांचे माजी उपाध्यक्ष कैलास माळी, डॉ राजकुमार दवंगे, माजी सभापती सुनिल देवकर, ऋषीकेश कदम, बाजीराव मांजरे, प्रभाकर मांजरे, विजय जाधव, सुनिल वाणी, विलास माळी, भाउसाहेब भाकरे, धामोरी ग्रामपंचायतीचे सदस्य, गोरख कोकाटे, प्रभाकर पारखे, भाउसाहेब जाधव, राजेंद्र कासार, विलास भाकरे, पांडुरंग पगार, संजय पगार, विजय साळुंके, अविनाश अहिरे, बाळासाहेब अहिरे, काकासाहेब वाघ, नजिम शेख, बाळासाहेब गलांडे, विश्वनाथ लव्हाटे, यांच्यासह विविध संस्थांचे आजी माजी पदाधिकारी, धामोरी पंचकोशीतील नागरिक, कार्यकर्ते मोठया संख्येने उपस्थित होते. कोरोनाच्या दुस-या लाटेत युवानेते विवेक कोल्हे यांनी संजिवनी कोविड सेंटर मार्फत मोफत रूग्ण उपचार करत मोठा आधार दिला त्याबाबत धामोरी गांवच्यावतींने त्यांचा सत्कार करण्यांत आला.श्री. विवेक कोल्हे पुढे म्हणाले की, देशाचे पंतप्रधान नरेंद्र मोदी यांनी कोरोना महामारीत ८० कोटी भारतीयांना मोफत अन्नधान्याचा पुरवठा करून सर्वांसाठी मोफत लसींचा डोस उपलब्ध करून देत अन्य असंख्य सुविधा दिल्या. भारतीय जनता पक्ष देशपातळीवर सर्वात मोठा पक्ष आहे. केंद्र व राज्य स्तरावर गोर गरीबांच्या जनकल्याणासाठी असंख्य योजना असतात परंतु त्याची अर्धवट माहिती मिळाल्याने शेवटच्या घटकापर्यंत त्या प्रभावीपणे पोहोचत नाहीत. भाजपाच्या प्रदेश सचिव स्नेहलता कोल्हे व संजीवनी उद्योग समुहाचे अध्यक्ष बिपीनदादा कोल्हे सातत्याने वंचित घटकांच्या विकासासाठी झटत असतात. धामोरी पंचकोशीचा परिसर मोठा असुन अहमदनगर व नाशिक जिल्हयांचा परिसर लाभला आहे. वंचित घटकांना दळणवळणांच्या सोयी सुविधा कमी असल्याने त्यांना तालुक्याच्या ठिकाणी पोहोचणे शक्य होत नाही, अशा वंचित घटकांच्या सेवेसाठी भाजपा पक्ष कार्यालयाचे उदघाटन आपल्या हस्ते झाले ही बाब मोठी आहे तेंव्हा कार्यकर्त्यांनी याचा लाभ घ्यावा व धामोरी पक्ष कार्यालयाअंतर्गत विविध सेलच्या पदाधिका-यांनी तत्पर राहुन जनसामान्यांची दुःखे हलकी करण्यांसाठी झटत रहावे तर पक्षाच्या माध्यमांतुन होणा-या कार्यक्रमांची माहिती द्यावी असे आवाहन केले. शेवटी बाळासाहेब अहिरे यांनी आभार मानले.धामोरी येथे भारतीय जनता पक्ष कार्यालयाचे गुरूवारी जिल्हा सहकारी बँकेचे संचालक विवेक कोल्हे यांच्या हस्ते उद्घाटन करण्यांत आले.
