कोपरगाव प्रतिनिधी
कोपरगाव तालुक्यात जेऊर कुंभारी येथील गिरमेवस्ती शाळेत बालदिनाचे औचित्य साधून आमदार आशुतोषदादा काळे मित्र मंडळ यांच्यावतीने गुणवंत विद्यार्थांचा गुणगौरव करण्यात आला
या प्रसंगी गोदावरी खोरे केन ट्रान्सपोर्ट कार्यकारी संचालक दिलीप शिंदे,जेष्ठ कार्यकर्ते पाटीलबा वक्ते,कल्याणराव गुरसळ,बापुराव वक्ते,किशोर वक्ते,नानासाहेब गुरसळ आकाश देवकर,जगन्नाथ लिंबोरे उपस्थित होते
स्वतंत्र भारताचे पहीले पंतप्रधान भारतरत्न पंडीत जवाहरलाल नेहरू यांचा जन्मदिन बालदिन म्हणुन साजरा करण्यात येतो,या
बालदिनी जेऊर कुंभारी येथील गिरमे वस्ती शाळेतील विद्यार्थ्यांना उपास्थित मान्यवरांच्या हस्ते विद्यार्थ्यांना शालेय साहित्याचे वाटप करण्यात आले.
याप्रसंगी सामाजिक कार्यकर्ते पाटीलबा वक्ते म्हणाले की कोरोना महामारीच्या काळात शाळा बंद होत्या तरी देखील गिरमेवस्ती शाळेतील शिक्षकांनी ऑनलाईन अध्यापन सुरूच ठेवले व आठवड्यातील तीन दिवस गृहभेट देऊन विद्यार्थांना मार्गदर्शन केले आहे.
दिवाळीनंतर आता शासनाने पहीली ते चौथी शाळा सुरू करण्यास परवानगी दिली आहे. तरी विद्यार्थींनी आता अभ्यासाकडे लक्ष द्यायला हवे असेही ते यावेळी म्हणाले गिरमेवस्ती शाळेची
गुणवत्ता चांगली असून कोरोना काळात शिक्षकांनी केलेल्या शैक्षणिक कार्याचे त्यांनी कौतुक केले.
यावेळी उपस्थित मान्यवरांचे स्वागत शाळेच्या मुख्याध्यापिका श्रीम. प्रियंका जोशी केले.कार्यक्रमाचे सुत्र संचालन सुदाम साळुंके यांनी केले.तर आभार अनुजकुमार ढुमणे यांनी मानले.
