कोपरगाव प्रतिनिधी
शिक्षण महर्षी लहानुभाऊ नागरे स्थापित रेन्बो इंटरनॅशनल स्कूल मध्ये बालदिन कलात्मक व नाविण्यपूर्णतेने साजरा करण्यात आला.
स्वतंत्र भारताचे पहिले पंतप्रधान पंडित जवाहरलाल नेहरू , शिक्षणमहर्षी लहानुभाऊ नागरे यांच्या प्रतिमापुजनाने कार्यक्रमाची सुरुवात झाली . दिवाळी सुट्टीनंतर शाळेचा पहिला दिवस असल्याने विद्यार्थी देखील आनंदी होते . हसत – खेळत आनंदी शिक्षणाच्या धर्तीवर राहूल कोळगे सरांनी बालदिना निमित्त विद्यार्थ्यांना मार्गदर्शन केले . मोनाली सुराळे , शुशिला आरोरा , नंदिनी वक्ते या महिला शिक्षकांनी बालगीते सादर करून विद्यार्थांचा आनंद द्विगुणीत केला.परिपाठातंर्गत विद्यार्थ्यांच्या स्मरण शक्तीला चालना देणारे उपक्रम राबविण्यात आले .विद्यार्थांसाठी संगीत खुर्चीचे आयोजन करण्यात आले होते त्याचा विद्यार्थ्यांनी मनसोक्त आनंद लुटला त्यात इयत्ता ९ वी ची सिया ठक्कर ही विद्यार्थीनी अंतिम विजयी ठरली . कार्यक्रमाच्या प्रसंगी सर्व विद्यार्थी , शिक्षकवृंद, शिक्षकेत्तर कर्मचारी उपस्थित होते . यासह शाळेचे उप-पाचार्य प्रविण कदम सर , उप- प्राचार्य प्रशांत भास्कर सर, उप – प्राचार्य सोमनाथ सोनवणे सर , प्रशासकीय प्रमुख सुरेश शिंदे सर हजर होते.अशा या नाविण्यपूर्ण कार्यक्रमातंर्गत उद्याचे नेत्तृत्व असणाऱ्या बाल चिमुकल्यांना आजचे युवा नेतृत्व रेन्बो इंटरनॅशनल स्कूलचे कार्यकारी संचालक आकाश नागरे यांनी बालदिनाच्या शुभेच्छा दिल्या.
