कोपरगाव प्रतिनिधी
महाराष्ट्र राज्य ग्रामीण जीवनोन्नती अभियान व पंचायत समिती कोपरगाव यांच्या वतीने दिवाळी सणाचे औचित्य साधत ग्रामीण भागातील महिला बचत गटांनी घरगुती पध्दतीने उत्पादित केलेल्या विविध वस्तू व फराळाच्या विक्री प्रदर्शन स्टॉलचे उद्घाटन पंचायत समितीचे सभापती पौर्णिमा जगधने यांच्या शुभहस्ते करण्यात आले या प्रसंगी त्या बोलत होत्या कोपरगाव पंचायत समितीच्या प्रांगणात दिवाळी सणा निमित्त आयोजित प्रदर्शनात ग्रामीण भागातील महिलांनी घरगुती पद्धतीने बनविलेली विविध प्रकारची फराळे, आकाश कंदील, दिवे-पणत्या, लक्ष्मी, झाडू,रांगोळी, उटणे, अगरबत्ती लोणचे, पापड, आदी घरगुती वस्तूंची विक्री प्रदर्शन स्टॉल उभारण्यात आली असून या प्रदर्शनास ग्राहकांनी देखील उस्फुर्त प्रतिसाद दिला आहे.यावेळी बोलताना जगधने यांनी सांगितले की, उमेदच्या माध्यमातून अनेक प्रकारचे उपजीविकेची उपक्रम सुरू करण्यात आले असून यामुळे ग्रामीण भागातील महिलांच्या कलागुणांना वाव मिळावा यासाठी हे प्रदर्शन पंचायत समितीच्या माध्यमातून आयोजित करण्यात आले आहे त्यामुळे जास्तीत जास्त नागरिकांनी या बचत गटाच्या स्टॉल वर आपली दिवाळीची खरेदी करावी असे आवाहन सभापती जगधने यांनी केले आहे.यावेळी उपस्थित असलेले पंचायत समितीचे गट विकास अधिकारी सचिन सूर्यवंशी यांनी सांगितले की, या विक्री प्रदर्शनाच्या माध्यमातून ग्रामीण भागातील रुचकर खाद्यपदार्थ उपलब्ध होत असून पंचायत समितीतील सर्व कर्मचाऱ्यांनी यंदाची दिवाळी खरेदी या स्टॉलवरून करावी असे आवाहन सूर्यवंशी यांनी केले आहे.या कार्यक्रमाच्या यशस्वीतेसाठी कोपरगाव तालुका अभियान व्यवस्थापक कविता बारवे, तालुका व्यवस्थापक पाटील मॅडम, जाधव सर, पवार सर, जयपाल सर,दारवंटे सर, मेथे सर व शेळके सर आदींनी अथक परिश्रम घेतले. या प्रदर्शनास पंचायत समिती उपसभापती अर्जुन काळे तसेच सर्व पंचायत समिती सदस्यांनी देखील भेट देत शुभेच्छा दिल्या.कोपरगाव विधानसभा मतदार संघाचे प्रतिनिधी आमदार आशुतोष काळे यांनी भेट देत सर्व बचत गटाची प्रशंसा करत सर्वाना दिवाळीच्या शुभेच्छा दिल्या आहे.
