कोपरगाव प्रतिनिधी
काळे परिवाराचे सर्व समाजाशी स्नेहाचे ऋणानुबंध आहेत. माजी खा.कर्मवीर शंकरराव काळे व माजी आ.अशोकराव काळे यांनी सर्वच समाजातील व जाती-धर्मातील नागरिकांना समान न्याय दिला आहे. हाच वारसा मी पुढे चालवीत असून मी देखील सर्व समाजाला समान न्याय देणार असल्याचे प्रतिपादन आ.आशुतोष काळे यांनी कोपरगाव तालुक्यातील माहेगाव देशमुख येथे केले.
कोपरगाव तालुक्यातीलमाहेगाव देशमुख येथील पानमळा या ठिकाणी नव्याने बांधण्यात आलेल्या मस्जिदचे उद्घाटन आ. आशुतोष काळे यांच्या हस्ते करण्यात आले याप्रसंगी ते बोलत होते. ते पुढे म्हणाले की, मागील दोन वर्षात कोरोनाच्या संकटात देखील मतदार संघात विकासकामांसाठी निधी आणला आहे. त्या निधीचा समाजातील सर्वच घटकांना उपयोग होईल हा उद्देश डोळ्यासमोर ठेऊन मतदार संघात विकासाचे कामे सुरु आहेत. आजवर काळे परिवाराने सर्व समाज घटकाला न्याय दिला आहे. तीच परंपरा माझ्याकडूनही यापुढे सुरु राहील अशी ग्वाही आ.आशुतोष काळे यांनी यावेळी दिली.
यावेळी पंचायत समिती उपसभापती अर्जुनराव काळे, माहेगाव सोसायटीचे चेअरमन रविंद्र काळे,उपसरपंच विकास रणसिंग, सुंदरराव काळे, बाळासाहेब पानगव्हाणे,राधाकिसन काळे, संतोष लांडगे, सय्यद सांडूभाई पटेल, हुसेनभाई पटेल,रज्जाकभाई पटेल, अनिसभाई पटेल,समीरभाई सय्यद, करीमभाई सय्यद,आमीनभाई पटेल, अजीजभाई सय्यद,मौलाना रिजवान आदीसह मुस्लीम बांधव मोठ्या संख्येने उपस्थित होते
माहेगाव देशमुखनव्याने बांधण्यात आलेल्या मस्जिदचेउद्घाटन प्रसंगी आ. आशुतोष काळे व समवेत मुस्लीम बांधव .
