कोपरगाव प्रतिनिधी
विद्यार्थ्यांच्या सर्वांगीण विकासाबाबत एक पाऊल पुढे असलेल्या शिक्षण महर्षी लहानु भाऊ नागरे स्थापित रेनबो इंटरनॅशनल स्कूलमध्ये दि .२८ ऑक्टोबर २०२१ रोजी दीपोत्सव साजरा करण्यात आला .
यावेळी रांगोळी स्पर्धा , आकाश कंदील बनवणे , ग्रिटींग कार्ड बनवणे इ. स्पर्धा आयोजित करण्यात आल्या होत्या या स्पर्धामध्ये विद्यार्थ्यांनी उत्स्फूर्त सहभाग घेतला . विद्यार्थ्यांना स्पर्धा प्रमुख सचिन पवार सरांचे विशेष मार्गदर्शन लाभले .विजयी स्पर्धकांना प्रमाणपत्र देवून गौरविण्यात आले . यासह नैतिक निकुंभ, इनया पठाण, दिक्षा गंगवाल या विद्यार्थ्यांनी भाषणे सादर केली . राहुल कोळगे सरांच्या मार्गदर्शनाखाली दिवाळीचा संदेश देणारा मुकाभिनय इयत्ता नववीच्या विद्यार्थ्यांनी सादर केला तर नंदिनी वक्ते मॅडमांच्या मार्गदशनाखाली इयत्ता आठवी च्या मुलींनी हृदयाचा ठोका चुकवणारे नृत्य सादर केले . कला शिक्षक दत्ता डोखे सरांनी दिवाळी सण साजरा करण्या मागची पार्श्वभूमी मांडली .
सौ .वनिताताई संजय नागरे या प्रमुख अतिथी म्हणून उपस्थित होत्या यांसह व्यासपीठावर युवा नेतृत्व व शाळेचे कार्यकारी संचालक आकाश नागरे सर , प्रशासक सुरेश शिंदे सर , उप प्राचार्य – सोमनाथ सोनवणे सर, विभाग प्रमुख प्रवीण कदम सर व प्रशांत भास्कर सर उपस्थित होते . अशा प्रकारे उत्साहयुक्त व जल्लोषभरीत दीपोत्सव यशस्वी होण्यासाठी शाळेचे सर्व शिक्षक , शिक्षकेत्तर कर्मचारी व विद्यार्थी यांनी विशेष परिश्रम घेतले .
उत्साहवर्धक अशा कार्यक्रमाचे सूत्रसंचालन विभाग प्रमुख प्रवीण कदम सरांसह वरुण जोशी व समिना खान या विद्यार्थ्यांनी केले तर पुष्कर उदावंत या विद्यार्थ्याने आभार व्यक्त केले .
