कोपरगाव प्रतिनिधी
दि. २९ ऑक्टोंबर २०२१ – वार्ताहर फोटो ई मेल केला आहे. केंद्रीय रस्ते वाहतुक मंत्री नितीन गडकरी यांना महात्मा फुले कृषि विद्यापीठाने डी लिट पदवी बहाल केल्याबददल त्यांचा संजीवनी उद्योग समुह व संजीवनी ग्रुप ऑफ इन्स्टीटयूटचे संस्थापक माजीमंत्री शंकरराव कोल्हे यांनी काकडी विमानतळावर सत्कार करत त्यांच्या भावी कार्यास सदिच्छा व्यक्त केल्या. याप्रसंगी भाजपाच्या प्रदेश सचिव स्नेहलता कोल्हे व काकडी ग्रामस्थ, पंचकोशतील विविध संस्थांचे पदाधिकारी कार्यकर्ते उपस्थित होते. सहकारमहर्षी कोल्हे कारखान्याचे अध्यक्ष बिपिनदादा कोल्हे यांनीही मंत्री गडकरी यांना भ्रमणध्वनीद्वारे शुभेच्छा दिल्या. श्री. शंकरराव कोल्हे याप्रसंगी बोलतांना म्हणाले की, केंद्रीय रस्ते वाहतुक मंत्री नितीन गडकरी हे महाराष्ट्र राज्याचे व्यक्तीमत्व देशपातळीवर आपल्या वैशिष्टयपुर्ण कार्यशैलीमुळे चमकत आहे. पंतप्रधान नरेंद्र मोदी, केंद्रीय गृहमंत्री अमित शहा व नितीन गडकरी या त्रिकुटाने देशाच्या विकासदरात सातत्याने वाढ करण्यांसाठी जाणिवपुर्वक प्रयत्नांची पराकाष्टा चालु ठेवलेली आहे. राज्य प्रगतीपथावर न्यायचे असेल तर रस्ते विकासाला सर्वोच्च प्राधान्य असावे, रस्ते म्हणजे विकासाच्या धमन्या आहेत आणि नेमकेपणाने नितीन गडकरी हे त्यावर प्रभावीपणाने काम करीत आहे याचा भारतवासियांना अभिमान आहे, त्यांची काम करण्यांची शैली अनोखी आहे. त्यांच्या आजवरच्या कामगिरीचा गौरव म्हणून महात्मा फुले कृषि विद्यापीठाने त्यांना डी लिट पदवी बहाल केली हा महाराष्ट्र राज्याबरोबरच देशाचा सन्मान आहे असे म्हणत त्यांनी साखर कारखानदारी, इथेनॉल, सहकार, अर्थकारण, उपपदार्थ निर्मीती, सहवीज, औषधी प्रकल्प आदि विषयावर मनमोकळेपणाने चर्चा केली. मंत्री नितीन गडकरी यांनी माजीमंत्री शंकरराव कोल्हे यांच्या तब्येतीची विचारपुस करत याही वयात ते कार्यरत राहतात याबददल कौतुक करत त्यांच्या उत्तम आयूरोग्यासाठी केंद्रीय रस्ते वाहतुक मंत्री नितीन गडकरी यांना महात्मा फुले विद्यापीठांने डी लिट पदवी बहाल केल्याबददल त्यांचा संजीवनी उद्योग समुह व संजीवनी ग्रुप ऑफ इन्स्टीटयूटच्यावतीने काकडी शिर्डी विमानतळावर सन्मान करतांना माजीमंत्री शंकरराव कोल्हे समवेत भाजपाच्या प्रदेश सचिव स्नेहलता कोल्हे.
