माजी सरपंच केशवराव होन यांचा स्तुत्य उपक्रम !!
कोपरगाव प्रतिनिधी
कोरोना काळात आपला जीव धोक्यात घालून महत्वाची भूमिका बजावणाऱ्या चांदेकसारे पंचक्रोशीतील आशा सेविका, अंगणवाडी सेविका,नर्स,डॉक्टर, यांना कोपरगाव तालुक्याच्या प्रथम महीला आमदार स्नेहलता कोल्हे यांच्या मार्गदर्शनाखाली व माजी सरपंच केशवराव होन व उपसरंपच विजय होन यांनी नवरात्री उत्सवानिमित्त देवगड, मोहटादेवी ,कानिफनाथ मढी, शनिशिंगणापूर भगवती माता (कोल्हार) इत्यादी देवस्थानच्या दर्शनासाठी मोफत सर्व सोयी उपलब्ध करून देत पाठवले आहे
दि.१२ ऑक्टोबर रोजी सकाळी माजी सरपंच केशवराव होन यांनी या यात्रा स्पेशल गाडीला हिरवा कंदील दाखवुन रवाना केले आहे या एक दिवसाच्या यात्रा स्पेशलमध्ये प्रवासाची तसेच खाण्यापिण्याची मोफत सोय केली आहे.
कोरोना काळात आपल्या जिवाची पर्वा न करता आपले कर्तव्य बजावणारे डॉक्टर,आशा सेविका अंगणवाडी सेविका, आजच्या युगातले देव असुन नैसर्गिक आपत्तीच्या वेळी संकटात सापडलेल्या नागरिकांना मदतीचा हात देऊन आपले कर्तव्य पार पाडले आहे. कोरोना महामारीच्या काळात रुग्णांना वैद्यकीय मदत पुरविली. गावातील नागरिकांचे लसीकरण करण्यासाठी वेळोवेळी शिबिरे घेतली तसेच अतिशय उत्कृष्ट व्यवस्थापन करून जास्तीतजास्त नागरिकांचे लसीकरण केले. या सर्व कामात जीवाची बाजी लावून मदत करणाऱ्या सर्व कर्मचाऱ्यांना नवरात्राच्या शुभ मुहूर्तावर यात्रेची संधी दिली. असुन देवच देवाला भेटायला जात आहेत या गोष्टीचा मनस्वी आनंद होत असल्याचे माजी सरपंच केशवराव होन यांनी यावेळी सांगीतले.
