कोपरगाव प्रतिनिधी
–नुकत्याच पार पडलेल्या ‘शिर्डी रोटरी क्लब साईबाबा’ यांनी शैक्षणिक क्षेत्रात विशेष उल्लेखनीय कार्य करणाऱ्या शिक्षकांना’नेशन्स बिल्डर अॅवार्ड’प्रदान केले. याप्रसंगी कार्यक्रमाचे अध्यक्ष -मा.शिवाजीराव गोंदकर,मा. कैलासबापू कोते मा.सचिन कोते, नगरपंचायत ,शिर्डी नगरपंचायतचे मुख्याधिकारी मा.डोईफोडे साहेब रोटरी क्लब ऑफ शिर्डी साईबाबा चे अध्यक्ष या.रविकिरण डाके,तसेच डॉ.पांडुरंग गुंजाळ यांच्या शुभहस्ते पुरस्कार वितरण करण्यात आले. श्रीमती.नसरीन इनामदार या नगरपालिका शाळा क्रं.५कोपरगाव येथे सहशिक्षिका म्हणून कार्यरत असून त्यांनी विद्यार्थ्यांकरीता विविध उपक्रम राबविले आहेत.विविध तंत्रज्ञानाचा वापर करून आॅनलाइन शिक्षण देऊन तसेच घरोघरी जाऊन विद्यार्थ्यांना आॅफलाइन शिक्षण देऊन शैक्षणिक प्रवाहात टिकवून ठेवले.कोरोना काळात त्यांनी केलेल्या विशेष शैक्षणिक कार्यामुळे विद्यार्थ्यांचे शिक्षण चालू राहिले. रोटरी क्लब ऑफ शिर्डी साईबाबा यांचे तर्फे राहाता, कोपरगाव तालुक्यातील शिक्षकांना पुरस्कार वितरण करण्यात आले.इनामदार ताईंना नेशन्स बिल्डर अॅवार्ड’ मिळालेबद्दल कोपरगावचे नगराध्यक्ष मा.विजयराव वहाडणे,मा.मुख्याधिकारी श्री.गोसावी साहेब,मा.मोहनिश तुंबारे साहेब-प्रशासनाधिकारी तसेच नगरपालिका शिक्षण मंडळाचे मुख्याध्यापक,शिक्षक यांनी त्यांचे अभिनंदन केले.
