कोपरगाव प्रतिनिध
कोपरगाव तालुक्यातील जेऊर कुंभारी गावातील हरिसन ब्रॅच शाळेतील नवनाथ सूर्यवंशी सर यांना जिल्हा आदर्श शिक्षक पुरस्कार सन २०२०, किनो गौरव पुरस्कार,एस फाउंडेशनचा राज्यस्तरीय आदर्श शिक्षक पुरस्कार मिळाल्या बद्दल जेऊर कुंभारी गावातील आमदार आशुतोषदादा काळे मित्र मंडळाच्या वतीने नवनाथ सुर्यवंशी सरांचा गौरव गोदावरी खोरे केन ट्रान्स्पोर्ट कंपनी चे कार्यकारी संचालक दिलीप शिंदे,पाटीलबा वक्ते, यांच्या हस्ते श्रीफळ पुष्पहार घालून सरांचा सत्कार करण्यात आला.
या वेळी पाटीलबा वक्ते यांनी बोलतांना असे सांगितले की नवनाथ सुर्यवंशी सर हे हरिसन ब्रॅच शाळेला लाभलेले एक आदर्श शिक्षक असून ते मुलांच्या सर्वांगीण विकासासाठी नेहमी प्रयत्नशील असतात असे सांगितले.
सत्कारार्थी नवनाथ सुर्यवंशी यांनी मनोगत मांडताना सांगितले की विद्यार्थ्यांच्या सर्वांगीण विकासासाठी काम करत असताना असे कौतुकाचे शब्द काम करण्यास उभारी देतात.
सत्कार प्रसंगी कल्याणराव गुरसळ, बापुराव वक्ते, महेंद्र वक्ते, जगन्नाथ लिंभोरे, एस.एम.वक्ते, दौलत वक्ते, नानासाहेब गुरसळ, आकाश देवकर, गणेश लिंभोरे, किरण वक्ते, धनश्री वक्ते, अनिता गायकवाड, किशोर वक्ते, विरेश शिंदे आदी उपस्थित होते.
सुत्रसंचालन महेंद्र वक्ते यांनी केले आभार कल्याणराव गुरसळ यांनी मानले.
