कोपरगाव प्रतिनिधी
मानव कौशल्य विकास असोसिएशन उत्तराखंड यांच्यामार्फत अहमदनगर व नाशिक जिल्ह्यातील प्रत्येक गावा- गावातील महिला व पुरुषांना मोफत घरगुती व्यवसायिक प्रशिक्षण देण्याचा कार्यक्रम लवकरच सुरुवात होत असून त्यांच्या मुख्य कार्यालयाचा शुभारंभ कोपरगाव येथील ओम साई ग्रामीण शिक्षण संस्थेचे बाळासाहेब सातभाई कौशल्य विकास संस्था, महात्मा गांधी प्रदर्शन या ठिकाणी कोपरगाव शहर पोलीस निरीक्षक वासुदेव देसले यांच्या शुभहस्ते शुक्रवार दि १७ सप्टेंबर २०२१ रोजी ठीक सकाळी अकरा वाजता संपन्न होत आहे.
कोपरगाव चे माजी नगराध्यक्ष संजय सातभाई यांच्या अध्यक्षतेखाली होणाऱ्या या कार्यालय शुभारंभ प्रसंगी प्रमुख पाहुणे म्हणून डॉ. कृष्णा फुलसौंदर वैद्यकीय अधिकारी ग्रामीण रुग्णालय कोपरगाव, पी.एस.सोनवणे वनपरिक्षेत्र अधिकारी कोपरगाव वन विभाग, ऐश्वर्यालक्ष्मी सातभाई माजी नगराध्यक्ष कोपरगाव नगरपारिषद, परशराम साबळे संस्थाप्रमुख ओम साई ग्रामीण शिक्षण संस्था तसेच सुचित्रा परशराम साबळे सचिव ओम साई ग्रामीण शिक्षण संस्था कोपरगाव यांच्या प्रमुख उपस्थितीत संपन्न होणार आहे.
