कोपरगाव प्रतिनिधी.
कोपरगाव लायन्स मूक बधिर व अपंग विद्यालय कोपरगाव , डाॅ. नीतू मांडके चारिटेबल ऑर्गनायझेशन मुंबई व श्री ओ.पी.खंडूजा दिल्ली यांच्या सहकार्याने आज दिनांक १४/९/२०२१ रोजी विद्यालयातील इयत्ता चौथी च्या बारा विद्यार्थ्यांना टॅबचे वाटप करण्यात आले . दीड वर्षापासून covid-19 या संसर्गजन्य आजारामुळे शाळा बंद असल्याने मुले घरीच असतात. शासनाने सर्वसामान्य विद्यार्थ्याप्रमाणे दिव्यांग विद्यार्थ्यांना ऑनलाईन शिक्षण द्यावे. शासनाकडुन दिव्यांगांना शिक्षणापासुन वंचित ठेवू नये ,असे निर्देश देण्यात आले आहेत. त्यामुळे घरी असलेल्या विद्यार्थ्यांना ऑनलाईन शिक्षण देण्याचे सुरू केले ,तेव्हा काही अडचणी आल्या. त्यामध्ये काही पालकांकडे अँड्रॉइड मोबाईल नाहीत. मोबाईल घेण्या इतकी त्यांची आर्थिक परिस्थिती नाही ,सर्वच मुले ही ग्रामीण भागातील गरीब शेतकरी , शेतमजूर व कारागीरांची आहेत ,ग्रामीण भागात मोबाईल टाॅवर नसल्यामुळे रेंज मिळत नाही. त्यामुळे शिक्षण देण्यामध्ये खंड पडत आहे .म्हणून ज्या पालकांकडे मोबाईल नाहीत ,त्यांची यादी करण्यात आली. सुरुवातीस जुने व काही नवीन मोबाईल देण्यात आले. अजूनही काही पालकांना मोबाईल नाहीत .असे निदर्शनास आले , तेव्हा ही अडचण विद्यालयाचे अध्यक्ष श्री .अशोकराव रोहमारे यांच्या कानावर घालण्यात आली.तेव्हा यांनी कोणत्याही परिस्थितीत दिव्यांग मुलांचे शिक्षण थांबता कामा नये ,म्हणून त्यांनी अनेक मित्र परिवार, नातेवाईक यांना मोबाईल किंवा टॅब घेण्यासाठी सहकार्य करण्याबाबत विनंती केली . मा. श्री जयवंतराव गडाख व श्री अरविंदराव औताडे यांनी प्रयत्न करून टॅबची अडचण डाॅ. अलकाताई मांडके मॅडम मुंबई यांच्या कानावर घातली. त्यांनी तात्काळ १० टॅब देण्याचे कबूल केले .व ते खरेदी करुन संस्थेस पाठवले डाॅ.अलकाताई मांडके डाॅ .नीतु मांडके यांचे स्मरणार्थ शैक्षणिक सामाजिक कार्याला नेहमी मदत करत असतात.तसेच श्री. ओ.पी. खंडूजा दिल्ली यांना विनंती करून दोन टॅब मिळवले. डॉ.नीतू मांडके चॅरिटेबल ऑर्गनायझेशन व श्री.ओ.पी.खंडूजा दिल्ली यांच्या सहकार्याने आज विद्यालयातील १२ विद्यार्थ्यांना संस्थेचे अध्यक्ष माननीय श्री. अशोकराव रोहमारे, ला.श्री .सुधीर डागा ,श्री. संदीपराव रोहमारे ,श्री. सुजितदादा रोहमारे यांचे शुभहस्ते टॅबचे वाटप करण्यात आले .सदर प्रसंगी श्री. सुजीतदादा रोहमारे यांनी आपले ‘मनोगत व्यक्त करताना श्री.जयवंतराव गडाख व श्री अरविंदराव औताडे यांचे विद्यालयाला नेहमीच सहकार्य असते त्याबद्दल त्यांना धन्यवाद दिले. यांची चिकाटी व सातत्यपूर्ण प्रयत्नामुळेच हे कार्य घडू शकले असे म्हणाले .श्री सुधीर डागा यांनी आण्णा व सौ.शोभाताईंचे विद्यालयाला नेहमीच मोलाचे मार्गदर्शन व सहकार्य मिळाले. त्याबद्दल त्यांचे विशेष आभार व्यक्त केले .श्री अशोकराव रोहमारे यांनी आपल्या अध्यक्षीय भाषणात टॅबचा वापर कसा करावा .त्याचा गैरवापर करु नये. टॅबचा वापर फक्त अभ्यासासाठीच करावा .अशा सुचना केल्या. टॅबमुळे विद्यालयातील विद्यार्थी ऑनलाइन शिक्षणापासून वंचित राहणार नाहीत, तेही इतरांप्रमाणे ऑनलाइन शिक्षण घेतील . व डाॅ. अलकाताई मांडके व श्री. ओ.पी .खंडुजा यांनी सहकार्य केल्याबद्दल धन्यवाद दिले .टॅबचा वापर कसा करावा याबद्दल शिक्षकांनी विद्यार्थ्यांना व पालकांना मार्गदर्शन केले. या कार्यक्रमाला डाॅ.अलकाताई मांडके,श्री.ओ. पी.खंडुजा, श्री.जयवंतराव गडाख, व श्री अरविंदराव औताडे हे कोविड १९ मुळे प्रत्यक्ष येऊ शकले नाही.परंतु त्यांनी झुम मिटींग द्वारे हा कार्यक्रम पाहिला ,शुभेच्छा दिल्या.व कार्यक्रम छान झाला असा उल्लेख केला.सदर प्रसंगी जिओचे अधिकारी श्री.शेखर राजगुरू ,श्री नवनाथ सोमासे ,श्री विश्वास कापसे ,श्री मतीन अत्तार’ श्री अनिल गुरसळ यांनी मोफत जिओ सीम दिले. याकार्यक्रमास पत्रकार श्री. सागर जाधव (जनसंवाद) ,श्री.योगेश डोखे (सी 24 तास )श्री. अनिल दीक्षित (ऑस्कर न्यूज ,कोपरगाव )आदी मान्यवर उपस्थित होते.कार्यक्रमाचे प्रास्ताविक मुख्याध्यापक श्री.भास्कर गुरसळ यांनी केले .तर श्री.नारायण डुकरे यांनी सुत्रसंचलन केले व आभार मानले.
