कोपरगाव प्रतिनिधी
कोपरगाव शहर व तालुक्यातील सर्व नागरिकांना कळविण्यात येते कि आज दिनांक १४/०९/२०२१ रोजी सायंकाळी ६.३० वाजता कोपरगाव तालुक्यातून वाहणाऱ्या गोदावरी नदीस नांदूरमध्यमेश्वर येथून ३३४९७ कुसेक पाण्याचा विसर्ग सोडला असून धरणाच्या पाणलोट क्षेत्रात पाऊस सुरु असून त्यामुळे पाणी साठ्यामध्ये अजून वाढ होण्याची शक्यता आहे.
त्यामुळे तालुका आपत्ती व्यवस्थापन प्राधिकरण तसेच पोलिस निरीक्षक कोपरगाव शहर पोलिस स्टेशन चे वतीने तालुक्यातील v शहरातील तमाम नागरिकांना आवाहन करण्यात येते कि, प्रशासनाने दिलेल्या सुचनाचे पालन करावे. १)सखल भागात राहणाऱ्या नागरिकांनी तातडीने सुरक्षित स्थळी स्थलांतरित व्हावे. २)नदी,ओढे व नाल्याच्या काठी राहणाऱ्या नागरिकांनी दक्ष राहावे.तसेच पाणी पातळीत वाढ होत असताना नागरिकांनी नदी, ओढे, नाले यापासून दूर राहावे व सुरक्षित स्थळी स्थलंतरीत व्हावे. ३)नदी अथवा नाले यावरील पुलावरून पाणी वाहत असताना पूल ओलांडू नये.४)पाणी पूर पाहण्यासाठी गर्दी करू नये. ५)धोकादायक झालेल्या तलावांच्या क्षेत्रामध्ये राहणाऱ्या नागरिकांनी तातडीने सुरक्षित स्थळी स्थलांतरित व्हावे.६)धरण व नादिक्षेत्रामध्ये पर्यटनासाठी जाणार्या नागरिकांनी विशेष खबरदारी घ्यावी. नदीच्या प्रवाहामध्ये उतरू नये. धोकादायक ठिकाणी चढू नये,धोकादायक ठिकाणी सेल्फी काढू नये.७)नागरिकांनी मेघगर्जना होत असताना झाडाखाली अथवा विद्यूतवाहिनी जवळ थांबू नये.भ्रमणध्वनी वापर सावधानतेने करावा. आपत्कालीन परिस्थितीत कोपरगाव तहसिल कार्यालय नियंत्रण कक्ष येथील दूरध्वनी क्रमांक ०२४२३- २२२७५३ व कोपरगाव शहर पोलिस स्टेशन क्रमांक.०२४२३-२२२३३३ यावर संपर्क करावा .वासुदेव देसले
पोलिस निरीक्षक प्रभारीअधिकारी.पोलिस स्टेशन कोपरगाव शहर.
