कोपरगाव प्रतिनिधी
कर्मवीर शंकरराव काळे एज्युकेशन सोसायटीची ५५ वी वार्षिक सर्वसाधारण सभा संस्थेचे चेअरमन माजी आ. अशोकराव काळे यांच्या अध्यक्षतेखाली गौतम पब्लिक स्कूलच्या सभागृहात गुरुवार दि.२४ रोजी सपंन्न झाली. यावेळी स्व. कर्मवीर शंकररावजी काळे यांच्या प्रतिमेचे मान्यवरांच्या हस्ते पुजन करण्यात आले.
अध्यक्ष पदाची सूचना प्रविण शिंदे यांनी मंडळी तर अशोक मुरलीधर काळे यांनी अनुमोदन दिले. संस्थेचे विश्वस्त भास्करराव आवारे यांनी दिवंगत झालेले सभासद, मान्यवर, हितचिंतक, कर्मचारी यांच्या श्रद्धांजलीचा ठराव मांडला. त्यानुसार सर्व उपस्थितांनी श्रद्धांजली अर्पण केली. विषय पत्रिकेप्रमाणे सभेच्या कामकाजास सुरूवात करण्यात आली. विषय पत्रिकेवरील सर्व विषय एकमताने मंजूर करण्यात आले. संस्थेचे विश्वस्त तसेच आमदार आषुतोष काळे यांनी आपल्या मार्गदर्शनपर भाषणात बोलतांना संस्थेचे संस्थापक स्वर्गीय कर्मवीर शंकररावजी काळे यांचा वारसा पुढे नेण्याचा प्रयत्न संस्थेमार्फत निरंतरपणे सुरु आहे. संस्थेने शैक्षणिक कार्याबरोबरच क्रीडा क्षेत्रात उल्लेखनीय काम करत असून संस्थेचा ठसा उमठवीत आहे. याबद्दल सर्व शाखांचे प्राचार्य यांचे कौतुक करून शुभेच्छा दिल्या. शासनाच्या बदलत्या शैक्षणिक धोरणाचा विचार करता आपल्या शैक्षणिक संस्थेत पुढील वर्षी गौतम पब्लिक स्कूल अंतर्गत कनिष्ठ महाविद्यालय सुरु करणार असून याकरिता प्रयत्नशील आहे. जेणे करून ग्रामीण भागातील विद्यार्थी शहरी भागातील शिक्षणाचा लाभ कमी खर्चात आपल्या संस्थेमार्फत घेऊ शकतील त्याकरिता उच्च दर्जाचे होस्टेल सुविधा खास करून मुलींच्या दृष्टीने तयार करण्याचे संस्थेमार्फत प्रयत्न केले जाणार आहे याद्वारे संस्थेचे संस्थापक स्वर्गीय कर्मवीर शंकररावजी काळे यांचे स्वप्न पूर्ण करता येणार असल्याचे त्यांनी सांगितले. संस्थेचे हेडक्लर्क केशव दळवी यांनी अहवाल वाचन केले.
यावेळी माजी आ. अशोकराव काळे, विश्वस्त आ. आशुतोष काळे, सचिव सौ.चैतालीताई काळे, संस्थेचे विश्वस्त भास्करराव आवारे, बाबासाहेब कोते, मधुकर बडवर, डॉ.चंद्रशेखर आव्हाड, अशोक काळे, ज्ञानदेव मांजरे, अक्षय काळे, प्रवीण शिंदे, मधुकर घुमरे, बाळासाहेब बारहाते, बाळासाहेब कदम, वाल्मिक नवले, राधुजी कोळपे, सय्यद मुस्ताक सिकंदर पटेल, राजेंद्र कोळपे, संस्थेचे इन्स्पेक्टर नारायण बारे, गौतम पब्लिक स्कूलचे प्राचार्य नूर शेख, सौ.सुशीलामाई काळे कला, वाणिज्य व विज्ञान महाविद्यायाच्या प्राचार्या डॉ. विजया गुरसळ, गौतम पॉलिटेक्निक इन्स्टिटयुटचे प्राचार्य वासिम शेख, न्यू इंग्लिश स्कूल देर्डे चांदवडचे मुख्याध्यापक प्रकाश देशमुख, न्यू इंग्लिश स्कूल काकडीचे मुख्याध्यापक बाळासाहेब गुडघे व सभासद मोठ्या संख्येने उपस्थित होते.
