कोपरगाव प्रतिनिधी
कर्मवीर शंकरराव काळे एज्युकेशन सोसायटीच्या सौ. सुशीलामाई काळे कला, वाणिज्य व विज्ञान महाविद्यालयात संस्थेचे चेअरमन मा. आ. अशोकराव काळे यांच्या वाढदिवसानिमित्त राष्ट्रीय सेवा योजना, सावित्रीबाई फुले पुणे विद्यापीठ व महाविद्यालयाच्या संयुक्त विद्यमाने तसेच संजीवनी रक्तपेढी, कोपरगाव यांच्या सहकार्याने संस्थेच्या सचिव सौ. चैतालीताई काळे यांच्या मार्गदर्शनाखाली रक्तदान शिबिर मोठ्या उत्साहात पार पडले. शिबिराचे उद्घाटन संस्थेचे गव्हर्निंग कौन्सिलचे सदस्य विश्वस्त ज्ञानदेव मांजरे यांच्या हस्ते करण्यात आले. अध्यक्षस्थानी संस्थेचे इन्स्पेक्टर नारायण बारे होते.यावेळी ज्ञानदेव मांजरे यांनी मा. आ. अशोकराव काळे यांच्या सामाजिक कार्याचा गौरव करतांना त्यांच्या समाजकार्याची प्रशंसा करून त्यांनी केलेल्या कामाचा लेखाजोखा मांडला. रक्तदानाचे महत्त्व अधोरेखित करत रक्तदान हे जीवनदान असून, एका रक्तदात्यामुळे गरजू रुग्णाचा जीव वाचू शकतो. युवकांनी सामाजिक बांधिलकी जपत रक्तदान चळवळीत सक्रिय योगदान द्यावे असे आवाहन त्यांनी केले.संजीवनी रक्तपेढीच्या संचालिका सौ. नीता पाटील यांनी विद्यार्थ्यांना रक्तदानाबाबत मार्गदर्शन केले. शिबिरात मोठ्या संख्येने विद्यार्थ्यांनी उत्स्फूर्त सहभाग नोंदविला. यावेळी राष्ट्रीय सेवा योजना स्वयंसेवक हेमंत जोरे व प्रज्वल नरोडे यांचा सत्कार करण्यात आला.प्र. प्राचार्या डॉ. विजया गुरसळ यांनी प्रमुख पाहुण्यांचे स्वागत करून परिचय करून दिला. प्रा. भीमराव रोकडे यांनी प्रास्ताविक केले. सूत्रसंचालन कु. श्रुती लुटे व कु. अर्चना नाजगड यांनी केले, तर प्रा. डॉ. भाऊसाहेब कांबळे यांनी आभार मानले. यावेळी शिक्षक, शिक्षकेतर कर्मचारी व विद्यार्थी मोठ्या संख्येने उपस्थित होते
