जेऊर कुंभारी वार्ताहर
“आज विद्यार्थी फक्त फोटो पाहणार नाहीत, तर स्वतः फोटो काढणार!” 📱📸
जागतिक छायाचित्रण दिनानिमित्त जिल्हा परिषद प्राथमिक शाळा गिरमेवस्ती येथे विद्यार्थ्यांसाठी ‘विद्यार्थी बनले फोटोग्राफर’ हा आगळावेगळा उपक्रम घेण्यात आला.
या उपक्रमांतर्गत अनुज ढुमणे सरांनी विद्यार्थ्यांना मोबाईल फोटोग्राफीचे प्रत्यक्ष प्रात्यक्षिक करून दिले. मोबाईलचा कॅमेरा कसा वापरावा, योग्य प्रकाश कसा निवडावा, फोटोची फ्रेम कशी ठरवावी, योग्य अँगलमधून छायाचित्र कसे टिपावे आणि आपल्या आजूबाजूच्या सुंदर गोष्टी कॅमेऱ्यात कशा कैद कराव्यात, याचा विद्यार्थ्यांनी प्रत्यक्ष अनुभव घेतला. विद्यार्थ्यांनी शाळेच्या परिसरातील विविध झाडांची, पानाफुलांची,मंदिराची सुंदर अशी छायाचित्रे कॅमेऱ्यात टिपली. आपणही मोबाईल मधून सुंदर फोटो काढू शकतो असा आत्मविश्वास विद्यार्थ्यांमध्ये निर्माण झाला.
📱 मोबाईल हातात…
📸 कॅमेरा समोर…
👀 निरीक्षणाची नजर…
✨ आणि सर्जनशीलतेला भरारी!
या उपक्रमातून विद्यार्थ्यांना तंत्रज्ञानाचा सर्जनशील वापर, निरीक्षणशक्ती, कल्पकता आणि छायाचित्रणाची प्राथमिक कौशल्ये शिकण्याची संधी मिळाली.
या उपक्रमासाठी शाळेच्या मुख्याध्यापिका वंदना पर्वत मॅडम व उपाध्यापिका ज्योती गोर्डे मॅडम यांनी विशेष परिश्रम घेतले.
