कोपरगाव प्रतिनिधी
अर्थिक शिस्त पाळून पदमविभूषण डॉ.शरदचंद्रजी पवार सहकारी पतसंस्थेने केलेली प्रगती कौतुकास्पद आहे. सभासदांच्या हिताला सदैव प्राधान्य, पंधरा टक्के लाभांश देण्याचा निर्णय आणि ठेवीत झालेली बावीस टक्क्यांची वाढ या बाबी संस्थेच्या कामगीरीचे वैशिष्ट आहे. असे प्रतीपादन आमदार आशुतोष काळे यांनी केले.कोळपेवाडी येथे, संस्थेच्या ३७ व्या वार्षिक सभेत मार्गदर्शन करताना ते बोलत होते. यावेळी संस्थेचे मार्गदर्शक माजी आमदार अशोकराव काळे, संस्थेचे अध्यक्ष देवेंद्र रोहमारे, कर्मवीर शंकरराव काळे सहकारी साखर कारखान्याचे उपाध्यक्ष प्रवीण शिंदे, संचालक दिलीपराव बोरनारे, सुधाकर रोहोम,सूर्यभान कोळपे, श्रीराम राजेभोसले, डॉ.मच्छिंद्र बर्डे, प्रशांत घुले, सुनील मांजरे,शंकरराव चव्हाण, मनोज जगझाप, दिनार कुदळे, श्रावण आसने, तसेच ज्येष्ठ नेते कारभारी आगवण, विश्वासराव आहेर,ज्ञानदेव मांजरे, बाबासाहेब कोते व सोमनाथ चांदगुडे, सुभाष गाडे,आदि उपस्थित होते.
आ.आशुतोष काळे म्हणाले, या संस्थेने कर्मवीर शंकरराव काळे यांचा वारसा जपत सभासदांच्या विश्वासाला प्राधान्य दिले. संस्थेचा पारदर्शक कारभार,आर्थिक शिस्त, आधुनिक तंत्रज्ञानाचा वापर आणि ग्राहकाभिमुख सेवा यामुळे संस्थेची विश्वासार्हता वाढली. संस्थेकडे ५३.२४ कोटी रूपयांच्या ठेवी असून ४० कोटी ६८ लाख कर्ज वाटप केले आहे. ढोबळ एनपीए ३.५२ टक्के असून एनपीए च्या व्याज व मुद्दलासाठी ०८ कोटी ६३ लाख ८५ हजाराची गुंतवणूक केली आहे. शंभर टक्के तरतुदीमुळे निव्वळ एन.पी.ए.०% आहे. १ कोटी १४ लाख ३० हजार रुपयांचा नफा झाला. अॅडीट वर्ग ‘अ’ आहे. सभेच्या अध्यक्षपदाची सुचना राजेंद्र ढोमसे यांनी मांडली त्यास अशोक भगत यांनी अनुमोदन दिले. अहवाल वाचन संस्थेचे मुख्य व्यवस्थापक मंगेश देशमुख यांनी केले. विषय पत्रिकेवरील सर्व विषय सर्वानुमते मंजूर करण्यात आले.
याप्रसंगी शरद पवार पतसंस्थेचे चेअरमन देवेंद्र रोहमारे, व्हाईस चेअरमन रावसाहेब चौधरी,गौतम सहकारी कुक्कुट पालनचे चेअरमन विजय कुलकर्णी, बँकेचे सर्व संचालक मंडळ व व्यवस्थापन मंडळ सदस्य, गौतम बँकेचे मुख्य कार्यकारी अधिकारी प्रवीण पावडे, प्रशासकीय अधिकारी बापूसाहेब घेमुड, कर्मवीर शंकरराव काळे कारखान्याचे कार्यकारी संचालक सोमनाथ बोरनारे, जनरल मॅनेजर सुनील कोल्हे, पद्मविभूषण शरदचंद्रजी पवार साहेब पतसंस्थेचे सर्व संचालक मंडळ ,मुख्य व्यवस्थापक मंगेश देशमुख, गौतम सहकारी कुक्कुट पालनचे मॅनेजर सुरेश पेटकर, गोदावरी खोरे केन ट्रान्सपोर्टचे कार्यकारी संचालक दौलतराव मोरे, आदी मान्यवर उपस्थित होते. पतसंस्थेचे चेअरमन देवेंद्र रोहमारे यांनी आभार मानले.रिझर्व बँकेने नवीन लायसन्स देण्याचे जाहीर केले आहे. पदमविभूषण डॉ. शरदचंद्रजी पवार सहकारी पतसंस्था,सहकार खात्याच्या मार्गदर्शक तत्त्वानुसार नियमांचे व वसुलीचे काटेकोरपणे पालन करून पारदर्शक कारभार करत आहे. त्यामुळे या संस्थेच्या दृष्टीने भविष्यात हि संधी आहे.- आमदार आशुतोष काळे.पद्मविभूषण डॉ.शरदचंद्रजी पवार पतसंस्थेच्या ३७ व्या वार्षिक सर्वसाधारण सभेत मार्गदर्शन करतांना आ.आशुतोष काळे, समवेत संस्थेचे मार्गदर्शक मा.आ.अशोकराव काळे,कारखान्याचे व्हा.चेअरमन प्रवीण शिंदे, पतसंस्थेचे चेअरमन देवेंद्र रोहमारे, गौतम बँकेचे चेअरमन संजय आगवण आदी.
