जेऊर कुंभारी वार्ताहर
कोपरगाव विधानसभा मतदारसंघाचे आमदार आशुतोष काळे यांच्या वाढदिवसानिमित्त जेऊर कुंभारी येथे आमदार आशुतोष काळे मित्र मंडळाच्या वतीने सामाजिक बांधिलकी जपत वृक्षारोपण व विद्यार्थ्यांना शैक्षणिक साहित्याचे वाटप करण्यात आले. गंगेश्वर महादेव मंदिर परिसरात वृक्षारोपण करून पर्यावरण संवर्धनाचा संदेश देण्यात आला, तर गावठाण शाळेतील विद्यार्थ्यांना वह्या, पेन व शैक्षणिक साहित्याचे वाटप करून त्यांच्या शैक्षणिक प्रगतीला प्रोत्साहन देण्यात आले.
यावेळी सोशल मीडिया कोपरगाव तालुका अध्यक्ष महेंद्र वक्ते यांनी मनोगत व्यक्त करताना सांगितले की, आमदार आशुतोष काळे यांनी कोपरगाव तालुक्याच्या विकासासाठी विक्रमी निधी उपलब्ध करून दिला आहे. ग्रामीण भागातील रस्ते, पिण्याचे पाणी, वीजपुरवठा, मंदिरांचा जीर्णोद्धार तसेच विविध विकासकामांसाठी त्यांनी सातत्याने पाठपुरावा करून विकासाला गती दिली आहे.
सामाजिक कार्यकर्ते कल्याण गुरसळ यांनी आपल्या मनोगतात सांगितले की, वाढदिवस केवळ शुभेच्छांपुरता मर्यादित न ठेवता समाजोपयोगी उपक्रमांनी साजरा करणे ही काळाची गरज आहे. वृक्षारोपणातून पर्यावरण संवर्धनाचा संदेश तर विद्यार्थ्यांना शैक्षणिक साहित्य वाटपातून शिक्षणाला बळ देण्याचा प्रयत्न करण्यात आला असून, अशा उपक्रमांतून समाजात सकारात्मक विचार रुजण्यास मदत होते.
या उपक्रमाद्वारे पर्यावरण संरक्षण आणि शिक्षण या दोन्ही सामाजिक विषयांना प्राधान्य देत आमदार आशुतोष काळे यांना अनोख्या पद्धतीने वाढदिवसाच्या शुभेच्छा देण्यात आल्या.
या प्रसंगी माजी संचालक कर्मवीर शंकरराव काळे कारखाना रामनाथजी आव्हाड,जिनिंग प्रेसिंग संस्था माजी चेअरमन वसंतराव आव्हाड,
गौतम बँकेचे संचालक बापुराव वक्ते, व्हा.चेअरमन धोंडीराम वक्ते,
पाटील बाबा वक्ते, सोशल मिडीयम कोपरगाव तालुका अध्यक्ष महेंद्र वक्ते,
शरदचंद्र पतसंस्थेचे संचालक विक्रम शिंदे,
केशवराव आबनावे, दत्तात्रय बारसे, शिवाजी मच्छिंद्र वक्ते, राजेंद्र पगारे, संजय चव्हाण, पांडुरंग वक्ते, कल्याणराव गुरसळ, भानुदास वक्ते, नाना गुरसळ विशाल गुरसळ, रमेश लिंबोरे, किशोर वक्ते, साईनाथ गायकवाड, श्रीनाथ पवार ,अशोक इस्ते ,यश गुरसळ, आदेश भवर, विजय पवार, मुमुख्याध्याप रमेश गुरसळ नितीन गायकवाड आदी सह ग्रामस्थ मोठ्या संख्याने उपस्थित होते.
कार्यक्रमाचे सूत्रसंचालन किरण ग्रामपंचायत सदस्य किशोर वक्ते यांनी केले, तर आभार प्रदर्शन पाटीलबा वक्ते यांनी मानले.
