कोपरगाव प्रतिनिधी
कोपरगाव तालुक्यातील जिल्हा परिषद प्राथमिक शाळा बनकर वस्ती येथे आषाढी एकादशीनिमित्त पायी दिंडी सोहळा श्री क्षेत्र महादेव मंदिर सोनारी रोड येथे उत्साहात साजरा झाला. मोठ्या भक्ती मय वातावरणात उत्साहात पायी दिंडी सोहळा संपन्न झाला यावेळी विद्यार्थी वारकऱ्याच्या वेशभूषेत होते . प्रतिप भोर यांने विठठल व परी सोमनाथ पवार हिने रुख्मिणी आणि समर्थ अहिरे याने संत ज्ञानेश्वर निवृत्तीनाथ आरोही केकाण हिने मुक्ताबाई अशी वेशभूषा करून आलेली होती . वृक्षदिंडी तसेच विविध घोषवाक्ये विद्यार्थ्यांनी हातात घेतली होती ज्ञानोबा तुकाराम विठ्ठल विठ्ठल असा जयघोषाने परिसर भक्तिमय करण्यात आला. बालदिंडी चा मार्ग बनकरवस्ती शाळा ते सहाचारी रोडवरील श्री क्षेत्र महादेव मंदिर असा होता पालखी चे पूजन ब्राम्हणगाव च्या माजी सरपंच शोभाताई बनकर प्रियंकाताई बनकर विध्वंस ताई इल्हे मॅडम भवर ताई जोशी मॅडम शाळेच्या मुख्याध्यापिका लोहे मॅडम यांनी केले. महादेव मंदिरात शिवाजी सांगळे अमोल केकाण पंढरीनाथ सांगळे कैलास केकाण राहुल सांगळे वैभव सांगळे वसंतराव सांगळे प्रविण सांगळे या सर्व गावकऱ्यांनी विद्यार्थ्यासाठी फरसाण राजगिरा लाडू सोनपापडी याचे खाऊ वाटप करण्यात आले . बालदिंडीचा आकर्षण केंद्रबिंदू ठरले ते लेझीम ढोल ताशा पथक . अनिकेत मोरे प्रणव मोरे तेजस बनकर मार्तंड पवार कार्तिक पवार यांनी सुंदर पथक तयार केले होते. कार्यक्रमाच्या यशस्वीतेसाठी शिक्षक महेंद्र निकम प्रियंका जोशी व मुख्याध्यापिका वैशाली लोहे यांनी व शाळा व्यवस्थापन समिती अध्यक्ष उपाध्यक्ष व सर्व सदस्यांनी परिश्रम घेतले.
