कोपरगाव प्रतिनिधी
विश्वरत्न महामानव, भारतरत्न व भारतीय राज्यघटनेचे शिल्पकार डॉ. बाबासाहेब आंबेडकर यांच्या जयंतीनिमित्त जिल्हा परिषद प्राथमिक शाळा बनकर वस्ती, ब्राम्हणगाव येथे उत्साहपूर्ण कार्यक्रमाचे आयोजन करण्यात आले. या प्रसंगी लायन्स, लिनेस व लिओ क्लब ऑफ कोपरगाव यांच्या वतीने विद्यार्थ्यांना स्कूल बॅगचे वाटप करण्यात आले.
कार्यक्रमाच्या अध्यक्षस्थानी लायन्स क्लबचे अध्यक्ष अक्षय गिरमे होते. त्यांच्या हस्ते डॉ. आंबेडकर यांच्या प्रतिमेचे पूजन करण्यात आले. यावेळी उपस्थितांना डॉ. आंबेडकर यांच्या विचारांचे महत्त्व पटवून देण्यात आले.
कार्यक्रमास संदीप राशिनकर, अक्षय बोरा, लिओ अध्यक्ष धीरज कराचीवाला, लीनेस अध्यक्ष सोनाली गिरमे, सोनाली जाधव, शीला राशिनकर, अंजली थोरे तसेच दीपक जाधव, आनंद लोढा, राम थोरे उपस्थित होते. तसेच ब्राम्हणगावच्या माजी सरपंच शोभाताई बनकर, बाळासाहेब बनकर, शाळा व्यवस्थापन समिती अध्यक्ष बाळासाहेब केकाण, अजय विध्वस, नितीन सोनवणे, विजय केकाण, सतीश मोरे, अक्षदाताई मोरे, वामन जाधव आव्हाड, बाबासाहेब केकाण, मोहन मोरे, अंगणवाडी सेविका शिंगाडे मॅडम, इल्हे मॅडम, भवर ताई व ग्रामस्थ मोठ्या संख्येने उपस्थित होते.
कार्यक्रमाचे प्रास्ताविक शाळेच्या मुख्याध्यापिका वैशाली लोहे मॅडम यांनी केले, तर सत्कार जोशी मॅडम यांनी केला. आभार प्रदर्शन महेंद्र निकम सर यांनी मानले.
या उपक्रमांतर्गत सर्व विद्यार्थ्यांना स्कूल बॅगचे वाटप करण्यात आले. या भेटवस्तूमुळे विद्यार्थ्यांचा आनंद ओसंडून वाहत होता.
