जेऊर कुंभारी वार्ताहर
कोपरगाव तालुक्यातील जेऊर कुंभारी गिरमे वस्ती येथील जिल्हा परिषद प्राथमिक शाळेत भारतरत्न डॉ. बाबासाहेब आंबेडकर यांची जयंती मोठ्या उत्साहात साजरी करण्यात आली. कार्यक्रमाची सुरुवात मान्यवरांच्या हस्ते डॉ. बाबासाहेब आंबेडकर यांच्या प्रतिमेचे पूजन व पुष्पहार अर्पण करून करण्यात आली. यावेळी विद्यार्थ्यांनी भाषणे, गीते व सांस्कृतिक कार्यक्रम सादर करून बाबासाहेबांच्या विचारांचा जागर केला. मुख्याध्यापिका वंदना पर्वत यांनी बाबासाहेबांचे जीवनकार्य, शिक्षणावरील त्यांचे योगदान आणि समाजासाठी केलेल्या कार्याची माहिती दिली. कार्यक्रमाचे सूत्रसंचालन व फलकचित्र रेखाटन अनुज ढूमणे यांनी केले.याप्रसंगी जेऊर कुंभारी गावचे माजी सरपंच राजेंद्र गिरमे, माजी उपसरपंच जालिंदर चव्हाण, सामाजीक कार्यकर्त किशोर गायकवाड, सुनील गायकवाड, चित्रा गायकवाड, शाळेच्या मुख्याध्यापिका वंदना पर्वत, शिक्षिका ज्योती गोर्डे, अनुज ढूमणे, अंगणवाडी सेविका सिंधूताई वक्ते,सुलोचना वक्ते,विद्यार्थी व पालक उपस्थित होते. कार्यक्रम शेवटी सर्वांचे आभार मानून व विद्यार्थ्यांना खाऊ वाटून संपन्न झाला.
