जेऊर कुंभारी वार्ताहर
कोपरगाव तालुक्यातील जि.प.प्राथमिक शाळा गिरमे वस्ती (जे.कुं ) येथे वार्षिक स्नेहसंमेलन मोठ्या उत्साहात संपन्न झाले. कार्यक्रमाच्या अध्यक्षस्थानी विश्वास जंगली महाराज आश्रम ट्रस्ट चे सरचिटणीस हनुमंतराव भोंगळे साहेब तर प्रमुख पाहुणे म्हणून संजीवनी सहकारी साखर कारखान्याचे संचालक बाळासाहेब वक्ते, गौतम बँकचे व्हा.चेअरमन धोंडीराम वक्ते, उपसरपंच जालिंदर चव्हाण,जेऊर कुंभारी सोसायटीचे चेअरमन दादासाहेब चव्हाण, खोदावरी खोरे केन ट्रान्सपोर्ट कार्यकारी संचालक दिलीप शिंदे,पोलिस पाटील बाळासाहेब
राजेंद्र गिरमे,शिवाजी वक्ते, कैलासराव वक्ते, माजी विद्यार्थी अमोल राऊत,शालेय व्यवस्थापन समितीचे अध्यक्ष महेश गुरसळ, पंचायत समिती शिक्षण विभागाचे विषय तज्ञ संजय दहिफळे सर,नारायण गुरसळ, किशोर गायकवाड, तुळशीदास पगारे, घोलप सर, पवार सर, थोरात सर,अंगणवाडी सेविका सिंधू वक्ते, मोहिते ताई आदी मान्यवर उपस्थित होते. स्नेहसंमेलनाची सुरुवात मान्यवरांच्या हस्ते दिपप्रज्वलनाने झाली. कार्यक्रमाचे सूत्रसंचालन अनुज ढूमणे सर यांनी केले. प्रास्ताविक मुख्याध्यापिका वंदना पर्वत मॅडम यांनी केले. शिक्षिका ज्योती गोर्डे यांनी अनुमोदन दिले.विविध उपक्रम स्पर्धांमध्ये भाग घेऊन यश मिळवलेल्या विद्यार्थ्यांना यावेळी मान्यवरांच्या हस्ते बक्षिसाचे वाटप करण्यात आले. विद्यार्थ्यांनी विविध कलागुणांचे सादरीकरण केले. महाराष्ट्रीयन शेतकरी व कोळी नृत्य,राजस्थानी नृत्य, देशभक्तीपर थीम नृत्य, वारकरी थीम, शिर्डीचे साईबाबा थीम अशा विविध नृत्यांनी उपस्थितांची मने जिंकली. अंगणवाडीच्या बालचिमुकल्यानी देखील यावेळी बहारदार नृत्य सादर केले. कार्यक्रमाचे अध्यक्ष हनुमंतराव भोंगळे साहेब यांनी मनोगतात विद्यार्थ्यांच्या कलागुणांचे कौतुक केले,शिक्षकांनी स्नेहसंमेलनातून ग्रामीण भागातील विद्यार्थ्यांना एक व्यासपीठ उपलब्ध करत कलागुणांना वाव दिल्याबद्दल अभिनंदन केले. न्यू इंडिया इन्शुरन्स कंपनीचे मॅनेजर भीमराज वक्ते यांनी स्नेहसंमेलनाच्या कार्यक्रमासाठी शाळेला शुभेच्छा रुपी संदेश दिला.संजीवनी सहकारी साखर कारखान्याचे संचालक बाळासाहेब वक्ते यांनी विद्यार्थ्यांना त्यांच्या आवडी निवडी प्रमाणे शिक्षण घेऊ द्या असे पालकांना आवाहन केले. जालिंदर चव्हाण यांनी मनोगतातून शाळेच्या विविध उपक्रमाचे कौतुक करत शाळेची गुणवत्ता देखील चांगले असल्याचे प्रतिपादन केले. कोपरगाव तालुक्याच्या कार्यतत्पर गटशिक्षणाधिकारी शबाना शेख मॅडम यांनी गिरमेवस्ती शाळेच्या वार्षिक स्नेहसंमेलनासाठी शुभेच्छा रूपी संदेश दिला व मार्गदर्शन केले .चांदेकसारे केंद्राचे केंद्रप्रमुख रावसाहेब लांडे साहेब यांचे सहकार्य मिळाले.यावेळी ग्रामस्थ ,शिक्षक व शिक्षकेतर कर्मचारी ,पालक व विद्यार्थी मोठ्या संख्येने उपस्थित होते.मुख्याध्यापिका वंदना पर्वत यांनी आभार मानून कार्यक्रमाची सांगता झाली.
